පස්සට රිවස්

ගුඩ් මෝනිං එකක් වේවා මිත්‍රෝරුනි, ගුඩ් මෝනිං!

පහුගිය සතියක   හයිවේ ඉබ්බා කතාවේ අපේ හිතවත් කැප්ටන් විජේබාහු මේම කොමෙන්ට් එකක් කොටලා තිබ්බ.

ඒ කෙසේද යත්:

මම දැකපු හොඳම අධි වේගේ පස්සට රිවර්ස් කිරීම ගැන, දවසක් මම බැංකොක් අධි වේගේ ටැක්සි එකක යනකොට මැන් වැරදි exit එක ගත්තා, පහල පාර දැක්කම මැන්ට වැඩේ තේරුණා, මු ටක් ගාල පස්ස බලලා මිටර් සීයක් විතර වන්ගුවේ අධි වේගේටම රිවර්ස් කරානේ.

අනේ මේ, ඔයාගේ මේ රථ වර්ණනාව අපේ රථගාය වැඩි වෙනවනේ.

අම්මට සිරි, මම විජේබාහු 

උපුටා ගැනීම අවසන් 

රිවස් කිරීම ගැන කිව්වම මටත් පරණ කතාවක් මතක් උනා.(ෆෝවඩ් කෝම උනත් රිවස් එකට සෙකන්ඩ් වෙනවද අපි! බණ පොතකවත් අහල තියෙන දෙයක්ද )

ඩිස්ක්ලේමර් එක: ඕකේ දැන් ටෙස්ල පදින අය ඔටෝ ගියර් පාවිච්චි කරන අය සමාවෙලා වෙන මක්කාවත් බැලුවනං හොඳා.

අපි වගේ ලඩි පැද්ද, දැනටත් පදින හා පදින්න බලාපොරොත්තුවෙන අය නං බැලුවට අමනාපයක් නෑ ..

කාලෙකට ඉස්සර දවසක්දා වෙඩිමකට යන්ඩෝනඋනා අපේ බෙටර් හාෆ් එකට. නොට් සෝ බෙටර් හාෆ් එකටත් එක්කම තමා ඉන්විටේෂම. සූට් එකක් දාගත්තෙ කාලෙකට පස්සෙ කියන්ඩමත් බෑ මොකද ඒ කාලේ ළඟ ළඟ අර ටීම් එකේ කට්ටිය වෙඩින් ගන්නවා.

දැන් ඔන්න වෙඩිම තිබුණෙ නිට්ටඹුවේ රණතිසර එකේ. තනිකඩ කාලෙ වගේ කෑම වෙලාව ලංවෙලා ගොහින් හිටං තැන්කිව් කියල ඒ වැඩේට සෙට් වෙන්ඩ බෑ කාන්තා පාර්ශ්වයට ෆුල් සෝ එකම බලන්ඩ ඕනේ ජෝඩුව එන එකද පෝරුවද අරකද මේකද අරයගෙ මේකප් එක මොකක්ද කොහෙන්ද දාල තියෙන්නේ, අර සාරිය තව ටිකක් ලාපාට කලස් වලින් ගත්තනං ෂෝක්  හෝල් නයින් යාඩ්ස් ම ඕනේ.

දැන් ඔන්න රෙජිස්ට්‍රාර් නෝනත් ඇවිත් වැඩේ ඔෆීශියල් කරලා හිටං ලයිසම අතට දෙන්ඩ ලෑස්තිය.

ම්හු නෝ ඇක්ෂන්,

රෙජිස්ට්‍රාර් නෝනා වටපිට බලනව, මනමාලිගේ කට්ටිය කලබලවෙලා වගේ පේනව.

මේ.... ප්‍රදීපල තාම නෑ නේ එයාගෙ හස්බන් ලු සාක්කියට අස්සං කරන්න ඉන්නේ.

ඔව් නේ බුවා පේන්ඩ නෑ නේ.

රෙජිස්ට්‍රාර් නෝනට තව වෙඩිමකටත් යන්ඩෝනලු. හුකා කෝ තොප්පි කිව්වලු! අස්සං බුවා තාම නෑ නේ.

මෙන්න මේ අස්සේ බ්‍රයිඩ්ගේ අක්ක ඇවිත් මට ආරාධනා කරනවා මල්ලි ඔයා මේ කසාදෙට අස්සං කරන්ඩ කියල.

මේ උන්දැ දැක්කෙත් අදමයි, මනමාලි දැක්කේ අද උදේ මෙතනට ආවට පස්සෙ .පෝරුවෙ ඉන්නකොට.

හැබැයි උදේ මට දන්නා අඳුනන පොරක් හම්බෙලා කතාකළා, මෑන්ස් අපේ වැඩපළට යන එන කෙනෙක්, අක්කගේ හස්බන් තැන!. ඌ දන්නවා මගේ නොම්මරේ.

යන්න යන්න කියල නිසි බලධාරයගෙනුත් ඕඩස්. (කැප්ටන්ගේ වයිෆ් කර්නල් ලු නේ. නැද්ද )

යේස් මෑම්.

ඉතිං ඕන කජ්ජු ගහක් යටිං කියල මාත් ගොහිං වාඩිඋනා.

අස්සං කරන්ඩ ඔන්න මෙන්න .. මට පේනව අර ඩබල සීන් එකට එන්ටර් වෙනවා.

මං පොරව දන්නව. අපේ අයිය වැඩකරන තැන මිකැනිකල් ඉංජිනේරුවෙක්. උඹම ඕක කරපං තාලෙ ගෙස්චර් එකක් දාගෙන ඌ මාරුඋනා. දැන් ලයිෂන් එක ඉෂූ කරලා සුබ පතලා තැන්කිව් කියලා එතනින් මාරුවෙනකොට අහවලා මට ලඟිම්ම පුටුවකුත් තියාගෙන කතාකළා.

මචෝ මාර වැඩේ නේ උනේ. කාරෙකේ රිවස් එක වැටෙන්නේ නැතුව ගියානෙ බං. පිට්ටනියක් හම්බෙනකන් නුවර පාරේ ඈතට හිහිං යූ ටර්න් එකක් ගහන් ආවෙ. 

හ්ම්ම්  (පිට්ටනිය තියෙන්නේ ගෙදර වෙන්ඩෑති. මුං දෙන්න බැඳලා තාම මාසයක් නෑ.  මවුගේ එක්ස්කියුසස් )

මේ මශ්ශිනා උඹ කලිං නං යන්ඩ එපා සුදෝ. අනේ මේ හැමෝම යනකං ඉඳල තරානැතුව මේක පොඩ්ඩක් තල්ලුකරලා දීපං මචෝ මට හරවගන්ඩ.

හ්ම්ම් (කාල බීල අහක්කවෙලා ටයි කෝටුත් දාගෙන කට්ට අව්වෙ තල්ලුකොරාන්කෝ කාර්)

අනේ මචෝ උඹ ඉන්නව නේද?

බේරුමක්ම නෑ 

ඕකේ. මොකක්ද උඹේ රතේ 

මචං මොරිස් මරීන එකක් 

යතුරත් අරං වරෙන් පොඩ්ඩක් 

හා යමං 

මේ මේ කොහෙද ඔය දෙන්න හෙමීට යන්නේ. ස්ටීරියෝ නාදයක් 

මේ අපි පොඩ්ඩක් පහළට යනවා.

ප්‍රදීපා අපි කාර් එක ගාවට යනව අර රිවස් එකෙ ප්‍රස්නෙ බලන්න 

ගියා කාර් එක ලඟට.

යතුර දියං 

නැග්ග

ස්ටාට් කළා 

රිවස් ගියර් එකට දැම්ම 

කාරෙක රිවස් කරලා මූන පාර පැත්තට දාල නැවැත්තුව.

මෙන්න උඹේ යතුර.

දැන් තල්ලු කරන්ඩ ඕන්නෑ ඉස්ටාට් කරගෙන ඉස්සරහර පලෑන් 

මේ මේ උඹ කොහොමද රිවස් එකට දැම්මෙ 

යකෝ මායි ප්‍රදිපයි කොච්චර මාන්සි උනාද රිවස් එකට දාගන්ඩ (මං නොදන්න මාන්සිය)

උඹ අදද මේක මුලිම්ම එලෙව්වේ 

නෑ බං මම ට්‍රයල් පෙන්නුවෙත් මේකෙං 

ප්‍රදීපා ඩ්‍රයිවින් ඉගෙනගත්තෙත් ට්‍රයල් පෙන්නුවෙත් දෙකම මෙකෙම්මයි 

අම්මප!

එතකොට ඒකාලෙ රිවස් එක වැඩකළා ?

මේ ඒවයින් වැඩක් නෑ උඹ රිවස් එක දාපු විදිය කියපං 

මමම ඕක කියන්ඩ ඕන්නෑ 

ගොහිං ගියර් නොබ් එකේ (බෝලෙ) කොටල තියෙනෙවව බලපංකො. R අකුර ළඟ හොඳ සෝදිසියෙන් බලපං මචං.

කාරෙක ස්ටාට් උනා. මෙන්න කාරෙක පස්සට යනව.

මචං වැඩේ හරිද 

ඔව් බන් R එක ළඟ ඒකෙ රිවස් එක දාන විදිය ඇඳල තියෙනවනේ! 

දැන් උඹල දෙන්නම මේක එලෙව්ව. ට්‍රයලුත් දුන්න මේකෙම්ම!!

නෝනාවරුනි මහත්වරුනි ඔය සමහර පරණ වාහන වල රිවස් ගියර් එක එක්කෝ උඩට උස්සල එහමත් නැත්නම් පහලට තදකරලා තමා දාන්ඩ තියෙන්නේ.

එම නිසා ගියර් බෝලෙ ඕක මක්කහරි විදියකට කියල තියෙනවා.

සමහර  බ්‍රිටිෂ් හා ප්‍රංශ කාර්වල pull up රිවස්  පොක්ස්වාගන් වල පුෂ් ඩවුන් රිවස් 

මගේ මිත්‍රය පහුකාලෙ මට ඇරිය ඇරිල්ලක් හිතෝතුනි කොහොමද දන්නවද කලිසම තියෙද්දීම!

කිං කාලෙ කිං වරුන්ටත් ෆයිව් ෆ්‍රෙන්ඩ්ස්ලා හිටියාලු! 

තමන්ගේ වටිනා කාලය වැයකරමින් මේ බයිලා ඇසූ ඔබට බොහොම ස්තුතියි.

ජයවේවා!

Myself Hattor 

To the memory of my friend කලණ ආටිගල -- මරදානෙන් ඉදිරියට

ගුඩ් මෝනිං එකක් වේවා!

කලණව මට මුණගැහිල නෑ. අඩුම ගානෙ කතා කරලාවත් නෑ.

ඒ වගේම තමා අනිත් බ්ලොග් ලියන්නෝ, කොමෙන්ට් කරුවෝද ඇතුළුව හමුවෙලා හෝ කතාකරලා තියෙන්නේ දකුණු අතේ ඇඟිලි ගානට තමා.

නමුත්, නමුත්, මේ ලියන්නො ගැන තියෙන්නේ බොහොම පහන් හැඟීමක්. වෙරි ක්ලෝස් ෆීලින් එකක්. බොහොම කාලෙක ඉඳන් දන්න හිතෛෂියෝ වගේ.

එහෙම කෙනෙක්ට කරදරයක් උනාම ඒකත් බොක්කටම වදිනව.

මට කියන්ඩ තියෙන එකම දේ අනේ මේ බොලා තම තමන්ගෙ සරීර සෞඛ්‍යය ගැන ටිකක් හොඳට අවධානයෙන් ඉඳාල්ල. අඩුම ගානෙ පොඩිඋන් ඉන්න ඈයො වත්.

ලොකු ලොකු ඇංජිං අස්සෙ අලුක්කාල් 

අපේ කලණ සර් 

මරදානෙන්  ඉදිරියට  

හරියටම හයයි හතලිස් හයට කුමාරය කෝච්චියෙ හෝන් එක  ගහල ඉස්සරහට අද්දන්ඩ පටන් ගත්තා.

ලංකාවේ විතරක් නෙවේ Eurostar කෝච්චිය පැරිස් යන්ඩ ලන්ඩන් නුවර ශාන්ත පැන්ක්‍රස් ස්ටේෂමෙන් අදින්නෙත් උදේ හයයි තිස් එකට! ධූමරථ නැකත් යුරෝපෙ කියල වෙනසකුත් නෑ හිටං.

පැටළුණු නූල් බෝලයක් වගේ සංකීර්ණ රේල් පීලි නෙට්වර්ක් එකකින් කෝම කොම හරි නියම වෙලාවටම කොළඹ කොටුවට ලඟා වුනා.

තුන්වන වේදිකාවට දැන් පැමිණි රාත්‍රී තැපැල් දුම්රිය රාත්‍රී ..... ගාල්ල බල පිටත්වේ. එය නවත්වන්නේ ........

එතකොටම වගේ ඔන්න ඔහොම ලවුස්පීකර් නිවේදනයකුත් ඇහුනා.

දැන් පිටත් වෙන්ඩ වෙලාව හරි. අපි තාම කොටුවෙ.  

දැන් වෙලාව විනාඩි පහක් පරක්කුයි 

කුමාරයට මල 

ඇන්ජිමේ ඒ පැත්තට යනවා මේ පැත්තට යනව. අර කූඩුවේ දාල ඉන්න කොටිය වගේ.

දැන් පැය බාගයයි 

විනාඩි හතලිස් පහයි 

මට නං කීයට ගියත් එකයි. අද ගෙදර තනියම.

කළුතර රෙස්ට්හවුස් එක වහල නැත්තං බියර් එකකුත් බීල පැල් කවියකුත් කියාගෙන ගෙදර යන්ඩ ඇහැක්.

මොකෝ බං මේක යන්නැත්තෙ.

අර මලේ ඉඳන් එන මගුල එනකං ඉන්ඩෝන බං, එකෙ බඩුයි තැපැල් මලුයි පැසෙන්ජස්ලයි ගෙනියන්ඩත් ඕනේ නේ.

ඕන්න තව ටිහෙකින් විතර අනිත් ප්ලැට්ෆෝම් එකට කෝච්චියක් ආව.

හෙන කලබලයක්. මමත් ඔලුව එලියට දාගෙන බලාගෙන හිටිය.

මිනිස්සු දුවගෙන ඇවිත් මේකට නගිනව. බඩුමුට්ටු තැපැල් මලු ලෝඩ් කරනවා දාහක් වැඩ.

තව ටිකකින් කුමාරය ඉඳගත්තා ප්‍රෑම් ප්‍රෑම් අපි පිටත් උනා.

පොඩි බිංගෙවල් වගේව ඇතුලෙන් ගොහිං කොම්පඤඤවීදියත් පහුකරන් මූද අද්දරින් ඔන්න අපි නගරෙන් එලියට ආව. 

හැට්ටර් දැනටම මේක පැයක් හමාරක් පරක්කුයි බං 

මේකේ යන බොහෝ දෙනා තම තමංගේ ස්ටේෂන් වලින් ලාස්ට් බස් එක අල්ලන්ඩ යන උං. ඒක ගිහිල්ල නං උන්ට ගෙවල්  වල යන්ඩ එක්කො එළිවෙනකන් පයින් ගාටන්ඩ වෙනව නැත්තං නොවටිනා ගානකට තෙපාවක් හයර් කරගන්ඩ වෙනව.

ඔය මිනිස්සු මටනං මක්කවත් කියන්නේ නෑ හැබැයි අර අහක ඉන්න සෞඛ්‍ය මිස් නිරපරාදෙ බැණුන් අහනව.

අපේ ඉස්කෝලෙ සෞඛ්‍ය මිස් කුමාරයාගේ අම්ම.

මේම ගිහිං හරියන්නෙ නෑ මචං හයියෙන් යන්ඩ වෙනව.

(Throttle control එක )නොච් තුනේ ගිය කෝච්චිය නොච් හතර පහ උනා.

එන්ජිම හොඳට සැර දාල යනව.

හැබැයි මිත්‍රෝරුනි හරිම සැපයි උඩදාල පොළවේ ගහනවා වගේ ඩාං ඩාං ගාල ඇන්ජිම අඟල් කීපයක් උඩ ගොහින් ආපහු අර යකඩ පීල්ලට වදිනවා..

මොකෝ බං මේ සැප!

මේකේ ඩෑම්පර් ගිහිං අපේ වේශිගෙපුතාල ඒව දාන්නෑ බං.

උඹට මේ ටික වෙලාවට මෙහෙම නං හිතාගත්තැකිනේ හැමදාම දුවන අපි ගැන.

නොදන්නා අයට: මේ ඩෑම්පරේ කියන්නේ කාර්වල තියෙන සොකැට්සෝබරේටම (shock absorber) තමා. එකේ නියම නම ඇත්තටම ඩෑම්පර්

ඕන්න දැන් කොල්ලුපිටිය පාස් උනා. කෝච්චිය ඇරලා යනවා. නොච් පහේ නේ යන්නේ. මේවායේ ඇක්සලේටර් නෑ ගියර් වගේ 'නොච්' එක තමා වේගේ අඩු වැඩි කරන්ඩ තියෙන්නේ.

බම්බලපිටිය ස්ටේෂම පේනව.

එන්ජිමේ ඇතුලෙ ලයිට් නිවුනා.

රේල්පාර මක්කාවත් පේන්නෙ නෑ.කෝච්චියෙ හෙඩ් ලයිට් එකත් නිවිලා.

කෝච්චියෙ සද්දෙ විතරයි ඇන්ජිමේ සද්දෙ නැවතිලා.

ඇන්ජිම නැවතුනත් කෝච්චිය ඉස්සරහටම යනව - ඇයි මේකෙ ඉන්නෙ හෙළයො නේ !

ඉදිරියටම යවු හෙළයිනි ඉදිරියටම යව්! 

කුමාරය සීට් එක කරකවාගෙන පස්සට හැරිල කළුවරේම මක්කද කළා.

ගුජු ගුජු ගුජු ගුජු කැබින් එකේ ලයිට් පත්තුඋනා ඉස්ටේෂම පාස්වෙලා නමුත් දැන් පාර පේනවා.

අගේන් ග්‍රැජග් ග්‍රැජුවලි (ඉන්ග්ලිෂ් වලින් ක්‍රමක්‍රමයෙන්) නොච් පහට. ආයෙමත් අරිනව එකසිය ගානටම 

අනේ පිංවත් නෝනාවරුනි මහත්වරුනි වැල්ලවත්ත පඋඋනා විතරයි හුකා මේක ආයෙමත් හිට්ටා.

කුමාරය ආයෙමත් කැරකිලා මක්කද කළා. ඒත් මේ පාර ඒක වැඩකළේ නෑ.

ඇසිස්ටන් ගෙන් ටෝච් එක (අපි ඉන්න පලාතෙ pass me the torch කිව්වම උඩබිම බලනව ඒක pass me the flashlight කියල කියන්ඩ ඕනෙ) ඉල්ලගෙන වෙන මක්කහරි කොරල හිටං ඇන්ජිම නැවත පණගන්වාගත්තා.

මචං ඇන්ජිම ගන්නකොටත් ඒකෙ නෝට් එකක් තිබ්බ මේක හිටිගමන් නවතිනවා කියල. ඒත් වෙන මොකක් කියල ගේන්නද? තියෙන එක එපැයි ගන්න.

දැන් උඹ මක්කයි කලේ මේක ඉස්ටාට් කරන්ඩ 

මේකෙ මචං ඩෑම්පර් ගිහිං කිව්වනේ ඉතිං ඔහොම උඩ පැන පැන හයියෙන් යනකොට රේඩියෙටරේ වතුර කඳත් උඩ යට යනව ඒ එක්කම රේඩියෙටරේ ලෙවල් එම මයින්ඩ තියෙන ෆ්ලොටර් එකත් (අර සිස්ටන් එකේ එක වගේ) සමහර වෙලාවට ගොඩක් යටට යනවා. අන්න එහෙම යටට ගියාම හරියට ඇන්ජිමේ වතුර ලෙවල් එක අඩුයි කියල තමා සිග්නල් එක එන්නෙ. එතකොට වතුර නැතුව දුවල ඇන්ජිම සීස් වෙන එකෙන් බේරගන්ඩ කොන්ට්‍රෝල් එකෙන් ඇන්ජිම ඕෆ් කරලා දානවා. එකයි සිද්ධාන්තේ. 

මෙතන පිටිපස්සේ තමා ඒකෙ රිලේ එක තියෙන්නේ. ඒකට පොඩි තට්ටුවක් දැම්මම බොහෝවිට ආයේ රීසෙට් වෙනවා නමුත් සමහර වෙලාවට ඒක ටිකක් ලොකු වැඩක් වෙනවා. 

මෙන්න මේක තමා ඒකට බෙහෙත කියල මට අයිස් පලම් එකක මැද තියෙන ලී පතුරක් රිලේ බෝඩ් එකේම යටින් තියල තියෙනවා පෙන්නුව.

මේ ලී පතුර රිලේ එක මැදට රිංගුවනං මළාට ඕක ඕෆ් වෙන්නේ නෑ. හැබැයි එතකොට දන්නෙම නැතුව වතුර නැතුව දුවල ඇන්ජිම ෆුල් ඩැමේජ් වෙච්ච කේසුත් තියෙනවා.

මේ ඒකෙන් මේකෙන් වැඩක් නෑ මේක මග හිට හිට යන්ඩ බෑ. අපි නොච් තුනේම යං.

අම්මටසිරි අමතක උනානේ, රිලේ එකට සිංහලෙන් කියන්නේ 'පිලියවනය' කියල.

අඟහරුවගෙ පොස්ට් එකෙකින් ඉගෙනගත්තේ.

පිලියවනය ගැන එයා ඉදිරියේදී කියල දේවි.ඒ අතරතුර මක්කහරි කොස්සක් තියෙනවනං කියන්ඩ, පුළුවන් එකක්නං  පැහැදිලි කරලා දෙන්නම්.

අදට හොඳටෝම ඇති. කෝච්චි කතාත් ඇති.

මේ පැත්තේ ආවට බොහොම ස්තුතියි.

අද අනුස්මරණ දිනයක් නිසා බයිලා නෑ

මේක තිලක් කමෝද් රාගය. සන්ධ්‍යා කාලයේ රාගයක්. ලාවට සිංගල් මෝල්ට් එකක් ඔන් රොක්ස්‌ තිබ්බනං ..ම්ම්ම්ම් 

උස්තාද් රෂිඩ් ඛාන්ගේ මේ ගීතයත් (Jab we met පිචෑස් එකේ) තිලක් කමෝද් බේස් කරගත්ත එකක් ඈ 

Myself Hattor

භක්තිමත් ශිෂ්‍යයා (BS)

 උසස් පෙළින් පස්සෙ රස්සාවක් හොයාගන්ඩ බැලුවා හරි ගියේ නෑ මිල්ටේරියට යන්ඩ ඉන්ටව් ගියා ඒ යනවට බලපිටියෙ මන්ත්‍රී තුමා කැමති උනෙත් නෑ. පස්සෙන් පහු කල්පනා කළා තව මක්කවත් ඉගෙනගන්ඩෝන කියලා.

වැඩේට ගෙදර ඉඳලා එන්ඩ බැලුවත් ඒක ප්‍රයෝගික උනේ නෑ. ගාලුපාරට කිට්ටුව කටුබැද්දෙ පිළියන්දල පාරෙන් බෝඩිමක් හොයාගත්තා. කැම්පස් එක, ජර්මන් ටෙක් එක, අධුනිකත්වෙ වෙලෝන එක ඔක්කොම තියෙන නිසා ඔය ඒරියා එකේ බෝඩිම් බහුලයි.

මට ඕක සැට් උනාම ඒකෙ විස්තර අහලා මගෙ ගෲපාටත් එතනටම එන්ඩෝනඋනා. පොඩ්ඩගේ ගම මාතර. මාතර කිව්වට මාතර බස්ටෑන්ඩෙකේ ඉඳල තව පැය එක හමාරක දෙකක ගමනක් උගේ ගෙදරට. ඒත් වෙලාවට බස් තිබ්බොත් විතරයි ඈ 

බෝඩිම්වල උන්නු අය දන්නව ඇතිනේ එව්වයෙ කෑම ගැන. අනිත් අයත් අහල කියල ඊර්ශ්‍යා කරලා ඇති ඒවගෙ ලැබෙනව කියන ස්ටාර් ක්ලාස් ෆුඩ් වලට.  ඉතිං අපි සුමාන දෙහෙකට තුනකට පාරක් හැන්දෑකොරේ හංදියට ගොහිං පොඩ්ඩක් බඩ පුරෝගෙන එනව.

මල්ලිකා හෝටලේ ඇත්තො ජාති ජාතිත් වැඩි වැඩියෙන් ලබන්න ඕනෙ. හැන්දෑවට ඕකේ කොහොමත් සෙනඟ, අධ්‍යාපන චාරිකාවක ගොහිං එන බස්සෙකක් නවත්තනවා කියන්නේ කඩේ කට කපලා සෙනග. ඉතින් බනිසක්, මාළුපානක් ප්ලේන් ටී එකක් ඒගොල්ලොන්ට දැනෙන්නෙ නෑ.

ඔන්න එදත් සුපුරුදු ඩයට් එක දාල බාප්පිගේ කඩේ වගේ අපි දෙන්න එලියට ආව. අඳුරත් වැටිලා, පාරේ ලයිට් දාල එත් පේමන්ට් එකේ එච්චර එළියක් නෑ.

ඒයි මචෝ හැට්ටර් මට රුපියල් පහක් දියං.

ඈ බං මේ රෑ බොට මක්කටෙයි සල්ලි.

ඒ කාලෙ බෝම හැදිච්ච කොල්ලෙක්, කුණුහබ්බ පාවිච්චියක් ඇත්තෙම නෑ වගේ.

උඹට වැඩක් නෑ නේ පහක් දියං.

යකෝ බොට නිකං පහක් දෙන එකේ අයෙමත් මල්ලිකා එකට ගිහිං සල්ලි දීලම මාළුපාන් දෙකක් කාල එනවනේ.

හරි හරි මට පත්තරයක් ගන්ඩ රුපියල් පහ දීපං 

දැන් ඔන්න පොඩ්ඩ පහේ කාසියත් අරන් යනව පත්තර ලෑල්ල දිහාවට 

උඹ ඔහොම හිටිං මං ගිහිං කෂ් ගාල පත්තරෙත් අරන් එන්නං.

මූ ගියා මක්කහරි කිව්ව කාසිය දුන්න මුදලාලි පත්තරයක් දුන්න. තප්පරෙන් මෙන්න පොඩ්ඩ මා ළඟ.

යමං යමං

මහත්තය ඉතුරු සල්ලි ගන්නැද්ද 

ඒ අඩෝ අන්න ඉතුරු සල්ලි දෙන්ඩ කතාකරනව 

යමං යමං යමාං... මූ මාවත් ඇදගෙන බෝඩිමට යන්ඩ පිටත් උනා.

එදා කොහොම බෝඩිමට ආවද දන්නෑ මූ හරියට කාල් ලුවිස්ගෙ කෝච් වගේ.ඇවිදිනවා නෙවේ දුවනවා. පත්තරෙත් රෝල් කරගෙන.

කාඹරේට ගියා ගිය සැනින් දොර වහල මූ කියනවා 

අඩේ නියම පත්තරයක් ගෙනාවේ. බලමු 

පත්තාරේ දිග ඇරිය 

අම්මටසිරි 'බුදුසරණ' පත්තරේ 

ධර්ම භාණ්ඩාගාරයක්!

පොඩ්ඩගෙ ෆේස් ප්ලේට් එක හරියට හුලං බැහැපු ටැට්ටර් ටෑර් එකක් වගේ.

මේ උඹ මේක කාටවත් කියනවා එහෙම නෙවේ. හරිද 

හරි හරි උඹ මේ තකහනියක් දඟලල ගියේ බුදුසරණ ගන්ඩ නෙවෙයිද 

නෑ බං මම ඉල්ලුවේ 'නව සරණ'

ආ එහෙම වරෙන් පුතා.

කෝම හරි මම විතරයි එදා බුදුසරණ බැලුවෙ.

වෙන දවසක මම නවසරණක් ඌට අරගෙන දුන්න.

කමල් මහතා මට එසේ ඉන්නට කීවාය. වගේ නොයෙකුත් කතා සහ සෙන්ට ෆෝල්ඩ් එකේ ලැජ්ජ නැති සුද්දියෙක්ගෙ කලර් පොටෝ එකක්!

 

ඉන් පස්සේ ඔය පත්තරේ ඩිස්පෝස් කළ හැටි තව චැප්ටර් එකක් හිටං.

දැන් අදට ඇති.

මෙහි පැමිණි නොපැමිණි ඔබ සැමට ජයවේවා!

මේ බස්නායක උන්නැහෙගේ ඇෆ්ගන් ජලේබි එකේ සිංදුව.

දැන් වේලාව රාත්‍රී දහයයි

 අද සෙනසුරාදා!

දැන් වෙලාව රෑ දහයයි.

ඕ යේස් ටෙන් ඇට් නෛට්. (EDT - ඊස්ටන් ඩේලෛට් ටෛම්)

සමහරු දහයයි කියල උදෙන්ම බ්ලොග් පෝස්ට් දාල තිබුණ හිටං. හැබැයි දැන් තමා හරිම වෙලාව! රෑ දහයයි.

Thanks to clker.com for the image

පරණ කතාවක් මතක් උනා.

ඔන්න මං උසස් පෙළ කියල විබාගේකට ලෑස්ති උනා නේ කාලෙකට ඉස්සර.

ටවුමෙ හෝල් එකට පිචෑර් එකක් ඇවිත් තිබුණ ඒ නිසා සෙට් එකම පීරියඩ් දෙකක් කට් කරලා හිටං එක බලන්ඩ යන්ඩ ලෑස්ති උනා. සෝ එක දෙකයි තිහට.

එක හමාරයි වෙලාව. බයිෂලෙත් පැදගෙන යනව රීගල් හෝල් එකට යන්ඩ.

අම්මටසිරි 'සමතය' එනවා ඉස්සරහට.

මල්ලෙ කොඑද මේ දාඩිය පොල්ල දාගෙන තකානියේ යන්නෙ.

මූ මගේ බයිෂලේ නවත්තල හැඬල් එකෙන් අල්ල ගත්ත.

සමතපාල මම යනවා පිචෑර් එකක් බලන්න. මරු කව්බෝයි සෝ එකක් ඇවිල්ල රීගල් එකට.

මල්ලෙ අපි නං ඩෙක් පීස් වලිං තමා පිල්ම් බලන්නෙ.

මං ලබන පාර එනකොට හොඳ ජපං ඩෙක් එකක් ගේන්නං.

දැන් අහපංකො සවුදියෙ වරුණාව !

මේ ඒක නෙවෙයි සමතෙ මං පස්සේ වෙලාවක එන්නං ඔය කතා අහන්ඩ. දැන් පරක්කුත් වෙලා මං යන්නං.

මොන පරක්කුවක්ද මල්ලෙ තාම එකොළහයි කාලයි නෙ. දෙකෛ තිහනේ සෝ එක.

අයිෂේ මම ගෙදරින් පිට වෙනකොටත් එක හමාරෛ. තමුසේ මේ දොඩෝනවා.

නෑ මල්ලෙ මේ බලන්ඩ. තාම එකොළහයි කාලයි. මෙන්න සමතය එයාගේ කැසියෝ ඩිජිටල් ඔරලෝසුව මට පෙන්නනවා.

ඔව්!, ඒකෙ වෙලාව එකොළහයි කාලයි.

මල්ලෙ මේ තමා හරිම වෙලාව. සවුදි වෙලාව හරියටම හරි!

මේ තවුසෙ ඕකේ වෙලාව හදාගන්නවා. මං යනව මට පරක්කු උනා.

ඒ එක.

දෙක, තවත් කෞතුක චරිතයක්!. ඩබ්ලිව් එස්.

ඩබ්ලිව් එසා, මාත් එක්ක එකම ඔපීසියේ වැඩ කළ අයෙක්. වෘත්තියෙන් ජ්‍යෙෂ්ඨ ඉංජිනේරුවෙක්.

හැට්ටර් අත් ඔරලෝසුවක් පාවිච්චි නොකරන කෙනෙක්. (වෙලාවට වැඩ නෑ, එම නිසා ටයිම් පීස් අවශ්‍යත් නැත).

දවසක් මොකක් හෝ හේතුවකට මම ඩබ්ලිව් එස් ගෙන් වෙලාව විමසුවා.ඩබ්ලිව් එස්ගෙ වෙලාව හරියටම පැයක් වැඩියි.

මොකෝ බොස් ඕකෙ පැයක් වැඩියි නේ!

මෙහෙමනේ හැට්ටර්, දැන් උදේට වෙලාව බැලුවම මට හිතෙන්නෙ මම පරක්කුයි කියල, ඒ නිසා ඉක්මනට ලෑස්ති වෙලා වෙලාවට වැඩට එනවා. 

ඉතිං බොස් ගෙදර යනකොටත් පැයක් කලිං යනවද? 

බොටත් ඕනෙ නැති මගුලක්  නෑ. අනිත් උං වැඩ ඇරිලා යනකොට මමත් යනවා.

අපිලට දිරෙව්වෙ නැති උනාට, ඩබ්ලිව් එස් ඇත්තටම වෙලාවට කලාවට වැඩ කරන කෙනෙක්, ඒ වගේම බොහොම .. මං කොහොමද හරියටම ඒක කියන්නෙ .. කියමුකෝ අධිප්‍රවේශම්සහිත කියලා..

වැඩට ඇවිත් හතට දෙකක් තියෙද්දී පොත අස්සං කරනවා. හතට එකක් තියෙද්දී නෙට්වර්ක් එකට ලොග් වෙනවා. හරියටම හතට මොකක් හරි ලෝකෙ නැති මයින(ර්) එලාම් එහෙකට ට්‍රබල් ටිකට් එකක් දානවා. මෙහෙමනේ හැට්ටර්, මම තැන තුනකින්ම මගේ එන්ට්‍රිය රෙකෝඩ් කරනවා. 

වැඩ ඇරෙන කොටත් එහෙමම තමයි. තුනට ට්‍රබල් ටිකට් එක. තුනයි එකට ලොග් ඔෆ්, තුනයි දෙකට සයිනෝෆ්.

මාස හයකට විතර පස්සෙ මට හිතුණා ඩබ්ලිව් එසාගෙ වෙලාව කෝමද කියල බලන්ඩ. එදා පැයයි තව විනාඩි කීපයක් වැඩියි.

හ්ම්..

සෙයිකෝ ඩේ ඇන් ඩෙට් හොඳ ඔරලෝසුවක් ඒක. දැන් වැඩිඋන විනාඩිය හදන්න ඩබ්ලිව් එස් කිසිදිනක කටුව ආපසු කරකවන්නේ නැත. ඔරලෝසුව කැඩේ යයි කියා. ඕක පැය විසි හතරක් ඉදිරියට කරකවන්නෙත් නැත. ගෙවෙයි කියා. 

ඇයි දවස, දිනේ ඔක්කොම වෙනස් කරන්ඩ එපාය.  තව ගෙවෙනව

ඩබ්ලිව් එස් ගැන  තව ටිකක් කියනවනං මෑන්ස්ට ටී වී දෙකක් තිබුනා. අඟල් 26, කලර් එකක් (ඒ කාලෙ තිබුණු ලොකුම සයිස් එක) සහ අඟල් දොළහේ බ්ලැක් ඇන් වයිට් එකක්. කලර් ටී වී එකට හොඳ ලස්සන කවරයක් හෙම දාල, උඩින් ප්ලාස්ටික් මල් පෝච්චියක් එහෙමත් තියල තිබ්බේ. කළු සුදු එකේ තමා සියලුම දේවල් බලන්නේ. යථාර්තය වගේනේ. කළු සුදු නේ.

ඩබ්ලිව් එස් ගැන නං කතා සරිත් සාගරේ වගේ එකක් යනකොට එකක් මතක් වෙනවා.

සෙකටරි කෙනෙක් වත් හොයාගන්ඩ ඕනෙ හිටං ඔව්ව ලියනවනං.

බයිලා උනත් මේ දෙකම සත්‍ය සිද්ධි බවටත් නම් ද සත්‍ය බවටත් සහතික වෙමි!

කාල වෙලාව සහ ඩේටා වියදම් කරගෙන මෙහි පැමිණි ඔබ සැමට ස්තුතියි!

ජයවේවා!

 

ප. ලි.

සමතයගේ ඔරලෝසුවෙ වෙලාව පස්සෙ දවසක මං හරියට හදලා දුන්න.

ලංකාවෙ වෙලාව නේ වෙලාව!

Hey my heart, tell me...

 අහේතු කාලේන කජ්ජෙන පුහුලං උනාම ඉතිං පුහුලම දිහාම බලාගෙන ඉඳල වැඩක් නෑනේ අයිබෝවන්ඩ, කෝමහරි කජ්ජක් දෙකක්, එහෙමත් නැත්තං ඉංග්‍රීසියෙන් කියන විදියෙ solace එකක් හොයාගන්ඩත් එපාය, නැද්ද මං අහන්නෙ.

බණ පොතක් හෙම කියවගෙන ධර්මය ඔබට මග වේවා! ලෙසට ධර්ම මාර්ගයෙ යන්ඩත් ඇහැක්. නැත්තං විද්‍යාවෙන් උත්තරයක් හොයාගෙන ගිහින්, රසායන විද්‍යාවේ මුලධර්මවලට අනුකූලව C₂H₆O , තවත් විදියකින් කියනවනං ඊතෛල් ගෘප් (CH₃-CH₂) එකට හයිඩ්‍රෝක්සිල් ගෘප් එක (OH) එකතුකරලා හදාගන්නා ද්‍රවය ෂැන්ඩි ඇතුව හෝ නැතුව පාවිච්චි කරන්ඩ උනත් ඇහැක්. ක්‍රීඩාවට, recreational drugs නමැති දෙයක් හෝ ලාවට (හෝ සද්දෙට) සිංදුවක් උනත් හෝ ඕවයෙ කොම්බිනේෂන් එකක් උනත් අපිට පාවිච්චි කොරාන්ඩ ඇහැක් හිටං.

Thank you https://www.madanmohan.in 

මදන් මොහාන් කියන්නෙ ඉන්දියාවේ හිටි අති දක්ෂ මධුර මනෝහර තනු නිර්මාපකයෙක්, සංගීත අධ්‍යක්ෂක වරයෙක්. ආතල් කඩන්නෙ නැතුව කලාවට සිංදුවෙ ෆ්ලෝ එක ගෙනියන්ඩ රුසියෙක්.

මදන් ජී තනුව රචනා කරන ඒ දිල් මුජේ බටා දේ - තූ කිස් පිආ ගයා හේ පරණ හින්දි චිත්‍රපටි ගීතයක්. මේක ඔරිජිනල් එක නම් නෙවේ, අළුත් ආටිස්ට්ල කියන කොටත් පොඩි ගතියක් තියෙනවා නේ. නැද්ද?

සංගීතගෙ ගායනේ කොහොමත් අගෙයි, ඒක නෙවේ කොහොමද ධෝලක් මාස්ටර් ජී ?. ආන්න වැඩ!

ජයවේවා!

Stay safe, stay active 

නන්ද ජී - Dedicated Worker

පරණ කතා ලියවෙන එකේ මක්කටෛ තව බලා ඉන්නේ කියල මටත් එකක් ලියන්ඩ හිතුනා. ඇහැක්නං කියෝලම බලමුකෝ.

(Image from: dbsjeyaraj.com)

ඕන්න නෝනාවරුනි මහත්වරුනි තොරණෙ කතාව කියවෙන්නේ මෙහෙමයි.

එබවුට් තර්ටි ඉයර්ස් එගෝ ඒ කියන්නේ 1992 විතර පොඩි, ඒ කිව්වට පොඩිත් නෙවේ, කේස් එකක් උනා නව දිල්ලියේ ඩිෆෙන්ස් කොළණියේ. ඩිෆෙන්ස් කොළණිය ගැන කියනවනම්, 1947 ඉන්දියා පාකිස්ථාන් වෙන්වුනාට පස්සේ පාකිස්ථාන් පැත්තට වෙන්ඩ ගෙවල් තිබිච්චි ඉන්දියන් සොල්දාදුවන් පදිංචි කරාන්ඩ දකුණු දිල්ලියේ නිර්මාණය කරපු තැනක්. දැන් නං හැමෝම ඉන්න ටිකාක් විතර පොෂ් තැනක්.

ඔන්න පොරක් ඇවිල්ල හෙන සද්දයක් දාල පරණ අපාර්ට්මන්ට් එහෙක හිටි අවුරුදු 94ක් වයස මහළු මිනිසෙක්ව එළියට ඇදල දානවා ගෙවල් කුලිය ගෙව්වේ නැත කියල. පරණ ඇඳක්, කුස්සියේ තියෙන පරණ ඇල්මේනියම් වලං කීපයක්, ප්ලාස්ටික් බාල්දියක්, පැරණ මග්‍ එකක් වගේ ඒ මනුස්සයාගේ සබ්බසකලමනාවත් ඒ එක්කම ගෙයින් එලියට ඇදල දානවා. අපේ වගේම තමා ඉතිං, වටාපිටේ සේරෝම ඇවිල්ල හිටං ඇන්ටනා ටියුන් කරගෙන සෝ එක බලනවා. අනේ අපොයි, අහිංසක මනුස්සය, පව්!, කතා ගොඩයි හැබැයි ප්‍රස්නේ ගැන කවුරුත් නෝ කතා. 

අංකලුත් කියනවා 'සාහිබ් මට තව ටික දවසක් දෙන්ඩ මං ඇරියස් එක ගෙවල දාන්නං' කියල. අයිතිකාරයත් ටිකක් කල්පනා කරලා අකමැත්තෙන් වගේ කියනවා ඕකේ මේ අන්තිම වතාව කියල හිතාගන්නව වෙලාවට කුලිය නොදුන්නොත් ඊළඟ පාර තමුංව පාරටම අදාල දානවා කියල. ඕං ඉතිං අංකලුත් දොට්ට දාපු ලට්ටලොට්ට ටිකත් අරං අයෙමත් ගේ ඇතුලටම යනවා හිටං.

සීන් එක මේම සීරියල් වෙලා යනකොට ඔතනින් ජනමාධ්‍යවේදියෙක් යනවා කියන්ඩකෝ. මේ වයසක ඩෑල්වලට මේම කරන එක මහ ධාතු වැඩ නේ කියල පොරටත් එකසිය ගානට මල පයිනවා. යකෝ මේක නිදහස් භාරත් දේශේ, අදම ලියනවා ආටිකල් එකක් පත්තරේට කියල, ඇල්මේනියම් බඩු ටිකයි මෑන්ස්ලගේ ආගියුමන්ට් සීන් එකයි ඒම පොටෝසුත් අරගෙන, හෙඩිමකුත් දාල  'කුලිය නොදුන් නිසා කුරිරු නිවෙස් හිමියා වයසක කුලී නිවැසියා පන්නා දමයි' එඩිටර් උන්නැහේට දෙනවා.

එඩිටර් උන්නැහෙත් දැනුංතේරුං ඇති මිනිහනේ,  ඉතිං ඩ්රාෆ්ට් එක කියවල කරලා හිටං පොටෝ ටික බලනකොට මූණ තුෂ්නිම්භුතයිස් ඒ කියන්නේ ෂොක් වෙලා වගේ අහනවා ළමයා මේ ලොකු උන්නැහේව දන්නවද කියලත්. කොල්ල දන්න අංකලයෙක් නෑ, සර් මේ මිනිහා කළ වැඩේ හරි නෑ 'වයසටවත් ගරු කළේ නෑ' කියල උත්තර දුන්න. (මේ අර කවුද වයසට ගරු කරපං මල්ලි කියල ටෙලිපෝන් කළ එක්කෙනා...)

 එනිවේ, නෙක්ස්ට් ඩේ උදාඋනා.

අම්මටසිරි, පොලිස් ජීප්

පෙරටුකරගෙන බීකන් හයිකරපු ඇම්බැසඩර් කාර් පෝලිමක්

අර එපාට්මන්ට් එක ඉස්සරහ. සුදු සූට් කාරයෝ පෝලිමේ ගෙට අතුල්වෙනවා,  කළු සූට් තුවක්කු කාරයෝ වටේටම, පොලිස්ලා සීරුවෙන් ඉඳන් සැලියුට් ගහනව එක කෙළියයි. ඒ අතරෙ අර ඊයේ හිටි නරඹන්නෝ සීරිස් එකේ දෙවෙනි කතාංගය බලන්ඩ සෙට්වෙලා.

නිවෙස් හිමියට පුල් හොල්මං ද පොල්කොළ වයි දීස් කපුටාස් ආ ෆ්ලයින් ටු කුරුම්බා ට්‍රී කියල මෑන්සුත් එන්ටර් උනා සීන්ස් එකට. කොහේ යන්ඩද කළු සූට් කාරයෝ මේකව එලවලම දැම්ම. බැරිම තැන පාරට ගොහින් පොලිස් ජීප් එකක් ළඟ හිටි හාදයෙක්ගෙන් ඇහුවම මොකක්ද රාළහාමි මෙතන වෙන්නේ කියල වද නොදී මෙන්න මේක බලනව අයිශේ අපිටත් වැඩ තියෙනව කියල පත්තරයක් දුන්න.  

කපුටාස් හිටිං රෝල්ස් රොයිස් බ්ලෙඩ්ස් රොටේටින්,  නවසීලන්තයේ අපේ ගෙදර රුපියල් 540කින් දවසක් කමු. 'ගුල්සාරිලාල් නන්ද, දෙවරක් අගමැති, අද ගතකරණ දුක්ඛිත ජීවිතය' මෙන්න පත්තරේ හෙඩ් ලයින්. කෙළියනේ තාප්පෙට. ඊයේ ලොක්කට සද්දෙ දාන හැටි පොටෝත් එක්කම..

ගුල්සාරිලාල් නන්ද හෙවත් පල්ලෙවත්ත ජී 'නන්ද ජී' ඉන්දියාවේ නිදහස් සටනේ නේරුලා, ගාන්ධිලා සමග එකට වැඩ කළ කෙනෙක්. අගමැති නේරුගේ සහ අගමැති ශාස්ත්‍රීගේ අභාවයන්ගෙන් පසු අන්තර්කාලීන (Interim) අගමැති වෙලා තිබෙනවා. වැඩබලන අගමැතිකමක් ගැන ඉන්දියන් ව්‍යවස්ථාවේ සඳහන්ව නැති නිසා අන්තර්කාලීන අගමැතිත් රටේ අගමැති කෙනෙක් ලෙස තමා සලකන්නේ. 1971දී ඉන්දිරා ගාන්ධි අගමැති ලෙස පත්වුනාට පසු ඔය නවීන වැඩ මට ගැලපෙන්නේ නෑ කියා දේශපාලනයෙන් විශ්‍රාම ගෙන, ජනෙල් කූරු වල එල්ලී, ආගමික සහ සමාජ සේවා කටයුතු වල යෙදුනා.

අපි මේ දීමනා ලබාගැනීම වැනි දේ වලට සටන් කළේ නැත කියා හිටපු අගමැති කෙනෙකුට හිමිවන රුපියල් 500 දීමනාව පවා ඔහු ප්‍රතික්ෂේප කළ අයෙක්. හිතවතුන්ගෙන්, දුවගෙන් හෝ පුතුන් දෙදෙනාගෙන් වත් කිසිම මුදල් උපකාරයක් ලබාගෙන නෑ. - බලාගෙන යනකොට අපි හම්බුකළොත් අපි කනවා ජාතියේ ඔරිජිනල් පොරක් -. පස්සෙන්පහු බොහෝ දෙනාගේ බලකිරීම මත ඔහු රුපියල් 500 දීමනාව ලබාගෙන තිබෙනවා. ඒක වුනත් නියමිත දිනයට නොලැබෙන නිසා තමා ගෙවල් කුලිය පරක්කු වෙලා තිබෙන්නේත්.

මේ සිද්ධියෙන් පසු වුවත් රජයෙන් ලබාදුන් නිවස ප්‍රතික්ෂේපකළ ඔහු පසු කලක අහමෙදාබාද්හි සිය දුවණියගේ නිවසට පදිංචිය සඳහා ගොස් තිබෙනවා.

1997දී ඉන්දියාවේ ඉහලම සිවිල් සම්මානය වන 'භාරත් රත්න'යෙන් පිදුම් ලැබූ ශ්‍ශ්‍රී ගුල්සාරිලාල් නන්ද 1998දී මියයන විට වයස අවුරුදු 99 මස 6ක්.

 අපි මේ දීමනා ලබාගැනීම වැනි දේ වලට සටන් කළේ නැත කියා හිටපු අගමැති කෙනෙකුට හිමිවන රුපියල් 500 දීමනාව පවා ඔහු ප්‍රතික්ෂේප කළ අයෙක්. හිතවතුන්ගෙන්, දුවගෙන් හෝ පුතුන් දෙදෙනාගෙන් වත් කිසිම මුදල් උපකාරයක් ලබාගෙන නෑ. - බලාගෙන යනකොට අපි හම්බුකළොත් අපි කනවා ජාතියේ ඔරිජිනල් පොරක් -. පස්සෙන්පහු බොහෝ දෙනාගේ බලකිරීම මත ඔහු රුපියල් 500 දීමනාව ලබාගෙන තිබෙනවා. ඒක වුනත් නියමිත දිනයට නොලැබෙන නිසා තමා ගෙවල් කුලිය පරක්කු වෙලා තිබෙන්නේත්.

මේ සිද්ධියෙන් පසු වුවත් රජයෙන් ලබාදුන් නිවස ප්‍රතික්ෂේපකළ ඔහු පසු කලක අහමෙදාබාද්හි සිය දුවණියගේ නිවසට පදිංචිය සඳහා ගොස් තිබෙනවා.

1997දී ඉන්දියාවේ ඉහලම සිවිල් සම්මානය වන 'භාරත් රත්න'යෙන් පිදුම් ලැබූ ශ්‍රී ගුල්සාරිලාල් නන්ද 1998දී මියයන විට වයස අවුරුදු 99 මස 6ක්.

අපේ පල්ලෙවත්ත ජී ගේ පින්තුරේ දැම්මේ මේ නන්ද ජි වගේම එයත් වෙස්ට් එකක් අඳින නිසා මිසක් වෙන දේකට නං නෙවේ, හරිය. අනික අපේ පල්ලෙවත්ත ජී ඔය ගෙවල් කතා අරව මෙව්වා දන්නේ නෑ එව්වා ඉන්දියාවේ පත්තරවල ගියාට ලංකාවේ පත්තරවල යන්නෑනෙ.  

ශ්‍රී ගුල්සාරිලාල් නන්ද 

අපේ කලණ සර්

The seasons have changed. 

It’s ‘Fall’ here in the Northern hemisphere, or in classic British English, it’s Autumn, the season of colors. 

Leaves are changing color, greens becoming beautiful red, yellow and bright golden. 

The weather is becoming cooler and the cool breeze - which often times become heavy winds - blow those beauties around, and are followed by drizzle and rain. 

Yesterday I was watching our cat 'Boom-Boom', though just a year old but looks and behaves like a big boy now, runs and jumps to catch those falling leaves and biting them imitating catching a bird. Very happy indeed.

Today morning I was driving along, winding through rural farmland, passing harvested fields, orange pumpkin patches ready for Jack-O-lanterns, and orchards full of ripe apples. The air is cool and crisp, usual for an early Fall day.

Radio is chirping like always but everything just bouncing off from my ear drum and nothing is getting into the brain. Brain is in lockdown fully engaged in processing something else. Feel a void somewhere.

Why 'this' beautiful leaf?. Still green but being very colorful?

මම කලණ සර්ට කොමෙන්ට් ලියන විදියට - ලොකු ඇන්ජින් අංශෙ එහෙමත් නැත්තන් රෝසි අක්කගෙ මල්ලි!

ඇත්තටම මගේ කෝච්චි කතාව ලිව්වේ කලණට. නමුත් මට ඒකෙ ඉතුරුටික ලියාගන්ඩ බැරිඋනා. දුකයි.

අපි කවදාවත් හමුවෙලා හෝ කතාකරලා නෑ. අඩුම ගන්නේ ඊමේල් එකක්වත්.

නමුත් හමුවෙලා ටිකක් කතාකරන්ඩ ආසාවකුත් තිබුනා. එක චාන්ස් එහෙකුත් මිස් උනා මයෙහිතේ.

නමුත් අද කලණ නෑ.

නොදුටු අපිට මෙහෙම නම් කලණගේ බිරිඳට හා දුවටත්, අදරැතියන්ටත් එය කෙසේ දරගන්නවාදයි සිතාගන්ඩත් අමාරු කරුණක්. විශේෂයෙන්ම දුවට. අපේ සාතිශය කණගාටුව ඔබ සැමට.

නමුත් ඉපදුනු අප සැමට මරණය නියතයි, එකම අනියතදේ එය කොයිවෙලේ එයිද කියන එකයි.

( Photo credit - https://kalanarajindaattygalle.weebly.com/)

කලණ සර්ට පැතූ බෝධියකින් නිවන් සුව ලැබේවා!

Take a good rest buddy!

 Myself Hattor

My last conversation with Kalana

හැට්ටර්June 25, 2021 at 11:53 PM

ලොකු සර්. වැඩේ මරු ඈ. මේ ලොක්ඩවුන් කාලෙ මෙහෙම එකක් දැක්කත් සනීපයි.
හැට්ටර් මේම කියනවට අමනාප වෙන්ඩ එපා සර්. පොටෝ ටික ටිකාක් විතර enhance කරලා දැම්මොත් එළ කිරි.
ලයිට්රූම්, පොටෝෂොප්, ප්‍රොෆෙෂනල් ඉමේජ් එඩිටිං වලට දැන්ම වියදම් කරන්ඩ එපා. බලන්ඩ GIMP වගේ එකක්. ඔය පින්තුරවල බ්‍රයිට්නස්, කොන්ට්‍රාස්ට් පොඩ්ඩක් එහා මෙහා කරල විතරක් (ඕනෙනං ෂැඩෝ, හයිලයිට් පොඩ්ඩක් ඇජස් කරලා හිටං)හොඳට පණ පිහිටුවල දෙන්ඩ ඇහැක්.
මම කාලයක් රස්සාවට ඔය වැඩ කරලා තියෙනවා commercial printing අංශෙ. ට්‍රයි එකක් දීල බලන්ඩ.

ජයවේවා!
Myself Hattor

Reply

Replies

1. 
   KalanaJuly 13, 2021 at 3:25 PM

   හැට්ටර් මලයා , බොහොම ස්තුතී වෙන්ට ඕනේ .....(මොකට අමනාප වෙන්නද කොච්චරවටිනවාද මේ දේ ... ) මෙහෙම දෙයක් කිව්වාට ... හිටින්නකෝ GIMP ට්‍රයි කරන්න මමත් .
   
   ජය වේවා මලයා :D