Tuesday, December 24, 2019

You better watch out

ගුඩ් මෝනිං එකක් වේවා!

You better not cry..    නත්තල් සීයා එනවාලූ ගමට...


පොඩි  කර්ණාටික් ටච් එකක් සමගින් 


කෝමද පන්ජාබි  නත්තල් 


ජයවේවා!.  ඔබ සැමට සිරි සුබ නත්තලක්ම වේවා!




Then the soldier rolled over, whispered with a voice so clean and pure,
“Carry on Santa, it’s Christmas Day, all is secure.”
One look at my watch, and I knew he was right,
Merry Christmas my friend, and to all a good night!

Did we forget anything???

Friday, November 29, 2019

ඇසළ කුණට ජයවේවා!

ගුඩ් මෝනිං එකක් වේවා!

තාව මෙහෙමනේ උනේ සෑර්.

හැත්තැහතේ තිබ්බනේ සෑර් 'මන්ත්‍රී තරඟයක්'. ඔව් ඔව් අර පේමදාස මහත්තය අත් දෙකට පොල් බෑ දෙක අරගෙන මේ පොල්බෑය කීයද,  මේ පොල්බෑය කීයද කියල එක එක බෑය වෙන වෙනම පේන්නලා ගනං ටීචර් වගේ අපෙන් අහනවා එතකොට පොල් ගෙඩිය කියක් උනාද කියල. අන්න එහෙමයි ඒකාලේ..  අපිට ගනං සාස්තරේ හිටං එතුමල කියල දුන්නේ.

හිච්චි එකා කාලේ ඉතිං හැට්ටරුත් යනවා චන්ද මීටිං බලන්ඩ හිටං, කොළ කෑල්ලක් එහෙම අරගෙන පැන්සලෙන් ගාන එකතු කරලා බැලින්නං හරියටම හරිනේ. ඒ මහත්තය ඇත්තනේ කියල තියෙන්නේ. හැබැයි චියර් කරන කෂ්ටිය 'හැත්තැහතේ ..ත්ත නැතේ..' කෑගහල කියන එකනං හරියට තේරුං ගියේ නං නෑ. එතකොට ගෑනු ඔක්කොම පිරිමි වෙනවද නැත්තං අමුතුම ජාතියක් වෙනවද කියල තමයි පස්නේ තිබ්බේ. 

ඔන්න ඔය තරඟෙට බලපිටියේ ආසනෙන් ඉල්ලුව සුදර්මන් මහත්තයත්. 
ස්වාධීන අපේක්ෂකයා.
සුදර්මන් මහත්තය බලපිටියේ ගුරු විද්‍යාලෙන් පැන්ෂන් එහෙම ගිහිල්ල හිටං එයාගේ වතුපිටිටික බලා කියාගෙන හිටියේ. නෝනත් නෑ මගේ හිතේ ඒ වෙනකොට. දුවයි බෑනයි තමා ගෙදර හිටියේ තඩි ඇල්සේසන් බල්ලට අමතරව. කාර් තුනක්ද කොහෙද තිබ්බ, කොන්සල් එකයි, පෝඩ් ප්‍රිපෙට් එකයි තව මගේ හිතේ හිල්මන් එහෙකුයි. 
වත්තක් දෙකක් විකුණලා සල්ලිත් ලැහැස්ති කොරගෙන තමයි සුදර්මන් මහත්තය ගේමට බැස්සේ.

අම්මට සිරි, ගමේ විතරක් නෙවේ අල්ලපු ගං වල රස්තියාදු කෙල කෙල හිටි හාදයෝ සේරෝම සුදර්මන් මහත්තයාගේ ගෙදර. කහ සේට් ඇඳල, කහ තොප්පි දාල කියල වෑඈඩක් නෑ ..

උන්ම අතිං ලියල හිටං තාප්ප වල ගැහුවා කහ පාට පෝස්ටරයක්. එළ කිරි වගේ.


නෝමන් මහත්තය ගහල තියෙනවා අලියාට ඔබේ වටිනා චන්දය දෙන්ඩ කියල, අසෝක මහත්තය කියනව ගියපාර වගේම යතුරට චන්දෙ දෙන්ඩ කියල, ලස්මන් මහත්තයත් එහෙමයි, අතට චන්දෙ දෙන්ඩ කියනවා. සුදර්මන් මහත්තය විතරක් කොහෙවත් නැති කුණකට චන්දෙ දෙන්ඩ කියනවා. මට නං හිතුනේ මේ කියන්නේ පාරුතොට පොල් ලෙලි වලවල් ගැන කියල, අපේ හරියේ මාදුගඟේ ගොඩ හරියට වෙන්ඩ එක සිය ගානට පොල් ලෙලි වලවල් තියෙනවා, එව්වට ලෙලි දාල පල් කොරල ඊට පස්සේ තලලා තමා ඒකාලේ පොල් කොහු හදන්නේ. ඔය වලවල් සදා හයිඩ්‍රජන් සල්පයිඩ් ගඳයි. රත්ගම එව්වෝ වගේ කතරගම යන වාහන වලට කියල පොල් ලෙලි තලවගත්තේ නෑ අපේ ගමේ අය. අහිංසක මිනිස්සු.

අර කහ සේට් කෂ්ටිය ඉන්නවා නේද, ඉස්සර වැලේ වැල් නැතුව බීඩි බිබී හිටියට දැන් උන් හන්දියේ කඩේට 'ෂියෑට්' එකක් ගන්ඩ යන්නෙත් පෝඩ් ප්‍රිපෙට් එකේ, ඒකත් පුල්ම ලෝඩ් එක ගහල. කොහොමද ඒක.. 
ඉස්ටේජ් ගහනවා, කහ කොඩි දානවා, උන්ම කතාත් පවත්වනවා, ඔරෙන්ජන් බාර්ලි බොනවා. බොරු කියන්ඩ ඕනේ නෑ ළඟ හිටියොත් අපටත් බාර්ලි හම්බ වෙනවා.. වැඩ ලක්සයයි.

දැන් ඔන්න පිංවතුනි සුදර්මන් මහත්තය කතාව කරනවා.
නෝනාවරුනි, මහත්වරුනි, දරුවනි.   වශයෙන් පටන් ගෙන...
පේමදාස මහත්තයලට  සිරිමාවෝලට වගේ ලොකු පස්න, ප්‍රතිපත්හි ප්‍රකාසන අරව මෙව්වා නැහැ. 
සුදර්මන් මහත්තය කියන්නේ එක දෙයයි.
මිත්‍රවරුනි, දැන් අපේ ගම දියුණු කොරන්ඩ ඕනේ. කොහොමද? 
මෙන්න මේකයි මගේ පැලෑන.

දැන් අපේ ගමේ බැලු බැලු අත තියෙනවනේ පොල් ගස්.
මම මංත්‍රී උනාම හැම ගහකම බඳින්ඩ හරකෙක් සපයලා දෙනවා. ඌ එතන තියෙන තණකොළ ටික කාවි. ඔහෙලට තියෙන්නේ වතුර ටිකක්, ඉඳ හිට පුන්නක්කු ටිකක් දෙන එක විතරයි.
උගේ කිරි තමන්ට ඇති පමණ බීල ඉතුරු ටික විකුණන්ඩ ඇහැකි. ගොම ටික දාල එළවළුවක් වවා ගන්ඩ ඇහැකි.
නිරෝගී මිනිසුන් සහ අමතර අදායමක්!

ඉත්න් ඔහෙලට තියෙන්නේ ඇස ලකුණට චන්දය දෙන එක විතරයි.
simple as that.

පස්සෙන් පහු වෙනකොට සුදර්මන් මහත්තය කතාවේ අගට තව කෑල්ලකුත් එකතුකළා. ඒ මොකක්ද;
මම දැන් දිනලා ඉවරයි, දැන් මට තියෙන්නේ මැජෝරිටිය හදාගන්ඩ එක තමයි. ඩික්ෂනරියක් වත් නැති එකේ මක්කැයි මේ මැජෝරිටිය කියල දැනගන්ඩ හැට්ටර්ට නං සෑහෙන කාලයක් ගියා.

ඔන්න දැන් පහුගිය 16 වගේ ඉලෙක්ෂන් දවස උදාඋනා. චන්දෙ දැම්ම. චන්ද පෙට්ටි ගාල්ලේ කච්චේරියට ගෙනිච්චා. සුදර්මන් මහත්තයත් ඒ එක්කම ගාලු ගියා.

අම්මට සිරි ඊට පස්සෙනේ කෙළිය. සුදර්මන් මහත්තයාගේ ගෙදර ඇස්ටෝම් පළ වගේ, කෑමද, බීමද, අරවද මේවද , වෑ.. ඩක් නෑ. සැට් එක පුල් වොලියුම්. ඇම් ඇස්ලගේ ඇන්ටන් ජෝන්ලගේ බයිලා එකක් පස්සේ එකක්. කස්ටියක් නටනවා. හැබැයි හත අට වෙනකොටම සමහරු පැණි වෙලා භූගත වෙලාත් හිටිය. 


ඔන්න දැන් පාන්දර ජාමේ සුදර්මන්, මහත්තයාගේ කාර් එක එනවා. සෙනගට වගේ වගක් නෑ. කනවා, බොනවා. ෂියෑට් ගහනවා එක සිය ගානට මේ හෙට සුනාමිය එනවා වගේ. . මහත්තය ගියා සැට් එක ඕෆ් කළා, සෙනග පුල් හොල්මං, 
තුන්සිය හතලිස් දෙකක් ඉඳිද්දී අනික්  සේරෝම කැරි වේෂිගේ පුතාල දැන්ම පලයව් එලියට කියල කෑගහල කිව්වා.

මයින්ද දේශප්‍රිය මහත්තයගෙන් ඇහුවොත් කියාවි කොහොමද පරණ චන්ද ප්‍රතිපල  බලන්නේ කියල. (මගේ නම නං කියන්න එපා, එයා අපේ ගුරුතුමා.. විවහාරික ගණිතේ ඉගැන්නුවේ). 

සත්‍ය සිද්ධිය ඔතනින් ඉවරයි.

දැන් ඔන්න සුදර්මන් මහත්තය ගෙට ගිහින් වොෂ් එකක් එහෙම දාල සරමකුත් ඇඳගෙන එනවලු පාටියට.
දෙශීයකුත් දාගෙන ගිහින් සැට් එක ඔන් කරලා හෙම හිටං දැම්මලු   සින්දුවක්.


නැවිලා සරමේ කොනකිං අල්ලලා උස්සල ගත්තලු හිටං ඈ ..

ඉතුරු ටිකත් ම කියන්ඩ ඕනේ නෑ නේ ...


ජයවේවා!
Myself Hattor

 


 




Wednesday, November 27, 2019

Leela's Crab Curry - ඩයස් කකුළුවෝ

නියුයෝක් නගරයේ (හෝ ඒ අසල) ජිවත්වන SKIZ ප්‍රනාන්දු ශෙෆ් තුමා සෑර් නියම රෙසිපියක් දාල තියෙනව ඔබේ බටේ   (මේක පරණ එකක් ඈ...)


Thank you allrecipeshub.com for the image

හලාවත ඔරිජිනල් රෙසිපියක්, SKIZ සෑර්ගේ ඉංගිරිසියෙන් ලියූ පොතේ (Rice & Curry: Sri Lankan Home Cooking) සම්පුර්ණ කතාවම තියෙනවා.

අන්න කොල්ලෝ. රට ඉඳං සිංහලෙන් බ්ලොග් ලිය ලිය ලංකාවේ වැරදි මේකයි, ලංකාව හදන මගේ ක්‍රමේ අහවල් එකයි, අරකයි, මේකයි, මගෙත් ඉතින් ඇදයි තමයි ඒ උනාට අහවලාගේ අරක ඇදයි කියකිය හිටියෙ නෑ ඇමරිකාවේ ඉන්නේ, ඉංගිරිසියෙන්ම ලිව්වා පොත. amazon එකට ගියා එතන තියෙනවා ඕනේ නං ගනිං. එහෙම නැතුව අඩුම කුඩුම ගානටම දැන ගන්න්න්න්ඩම ඕනෙනං ගූගල් කළොත් බඩු  ෂුවර් බඩේ බත් වගේ.

ඉතින් සෑර් ඔය කකුළුවොයි කිව්වම එක එක ජාතියේ කකුළුවෝ ඉන්නවනේ. මූදු කකුළුවගෙන් පටන් ගත්තම ගඟේද එයින් ගියාම කක්කුට්ටොද, රළා කකුලුවොද අන්තිමට ඒ මදිවට ගූ කකුළුවොත් ඉන්නවනේ. අන්තිමට කියූ එවුන් හොද්දට වත් ගන්නෙ නෑ මං දන්නා තරමින්.

ඔය කකුළුවෝ කියන ජාතිය හිටං යන්නේ ඇදේටමනේ. නෝ ෆෝවඩ් මෝෂන්, ෂයිඩ් එකටමයි අදින්නේ එලයින්මන් ගොහින් වගේ.

මට මේ තකහනියක් කකුළුවෝ මතක් උනේ, මේ ලඟදි රට ඉන්න වෙන්ඩ සුද්දෙක් (or may be trying to make sudda guys හෙළ! "බය සමය නැවතත් එළැඹ ඇත - Back to the future!" කියල දාපු පොස්ට් එක දැකලයි. සන්ජන හත්තොටුව සෑර්ගේ ටුවිට් එකක් දැකල ලොක්කට නන් ඉස්ටොප් ලූස් මෝෂන්  වගේ. යකෝ, ඕස්ට්‍රේලියාවේ ඉන්න එකේ අඩුගානේ හරියට ඉංගිරිසි ටිකක්, වැඩිය නෙවේ මේ ටිකක්, ඉගෙනගනින්කෝ අඩු ගානේ මේ අකුරු 256 ටුවිට් එකක් වත් හරියට තෝරගන්න. IELTS සැටිපිකෙට් නං හැට්ටරුත් හදා ගන්නං, එව්වා මහා වැඩ නෙවේ තිස්ස අත්තනායකල ඉන්නකං .

 හත්තොටුව සෑර්ගේ ටුවිට් එකේ විදියට කොම්පැනියේ අයිතිකාරයා ඒක දාන්ඩ දෙන්නේ නැතිලු.
ඉතිං කොම්පැනි අයිතිකාරයෙක් නොවීත් ලොජියේ රසික කරන්නෙත් ඒකමනේ. අද ඊයේ නෙවෙයි කාලෙකම ඉඳල. කොමෙන්ට් එකක් දැම්මම එයා කොම්පැනියේ ලොක්ක වගේ කැමතිනං විතරයි පබ්ලිෂ් කරන්නෙ. බොරුද මං කියන්නේ. මුං නං ගූ කකුලුවෝම තමා අඩු ගානේ හොද්දකටවත් දාන්ඩ බෑ. චීයා...

Myself Hattor.

Tuesday, November 19, 2019

රසික ඩයස් සහ 'ගෝටාබයට ඡන්දය දුන් උං ගැන මගේ අදහස'

ඕස්ට්‍රේලියා රටේ සිනුවර (එවැනි නමක් ඕස්ට්‍රේලියා සිතියමේ සොයාගන්ඩ බැරිවිය, සමාවන්ඩ) නම් කල්පිත ග්‍රාමයේ වෙසෙන සියල්ල දත් මහා පඬිරුවනක් ලෙස හැසිරෙන, මැවිසුරු (කොහොමද ඒක), රසිකලොජියට අදිගෘහිත, රසික සුරියආරච්චි සෑර් තමාගේ බ්ලොගයේ ' ගෝටාබයට ඡන්දය දුන් උං ගැන මගේ අදහස' නමින් පෝස්ට් එකක් ලියමින් ලංකාවේ පසුගිය ජනාධිපතිවරණයේ ප්‍රතිපල ගැන තමාගේ ඇති අප්‍රසාදය හා නොකැමැත්ත ප්‍රකාශ කර සිටී. ඔහුගේ අදහස් ප්‍රකාශ කිරීමේ ඇති පරම අයිතියට ගරුකරන මා එයට ඔහු ජිවත්වන රටෙත් ලංකාවේත් නීතියෙන්ම අවකාශ සලසා දී තිබෙන බවද ප්‍රකාශ කර සිටී.


(උපුටාගැනීම https://rasikalogy.blogspot.com)

ලොජියෙරසික සෑර් සත්‍ය කරුණු හතරකින් බ්ලොග් පොස්ට් එක පටන් ගෙන තිබීම සතුටට කරුණකි.

එනම්;

ලංකාවේ ඡන්ද බලය හිමි ජනතාව තම කැමැත්ත ප්‍රකාශ කර ඇත. ඡන්ද ප්‍රතිඵලය දැන් ඉතා පැහැදිළි ය. මගේ අප්‍රියතම අපේක්‍ෂකයා වූ ගෝටාබය රාජපක්‍ෂ 52 වඩා වැඩි බහුතරයකින්, වැඩි ඡන්ද දහතුන් ලක්‍ෂයකින් පමණ ජයග්‍රහණය කරන බව පෙනේ.

වැඩි දෙනාගේ කැමැත්ත ගෝටාබය රාජපක්‍ෂට නිසා, ජනාධිපති විය යුත්තේ ඔහු ය. මෙය ප්‍රජාතන්ත්‍රවාදයයි.

ගෝටාබය රාජපක්‍ෂට ඡන්දය දුන් ඡන්දදායකින් පිරිස ප්‍රජාතන්ත්‍රවාදීව නියෝජනය කිරීමට සුදුසුම පුද්ගලයා ඔහු ම ය. වෙන කිසිදු අපේක්‍ෂකයෙකුට කිසිසේත් ම එය කළ නොහැකි බව නොරහසකි.

මා බලාපොරොත්තු වූයේ මීට වඩා ඡන්ද සංඛ්‍යාවක් ජාතික ජන බලවේගයේ අපේක්‍ෂක, ජනතා විමුක්ති පෙරමුණේ නායක අනුර කුමාර දිසානායකට ලැබේවි ය කියා වූ නමුත් අවාසනාවට මෙන් මගේ බලාපොරොත්තුව ඉටු නොවුණි.
(උපුටාගැනීම https://rasikalogy.blogspot.com)

ඔබගේ අවංක අදහස් දැක්වීමට තැන්කිව් වේවා!

නමුත් හැට්ටර්ට ඇති දැවෙන පස්නේ ලොජියෙරසික සෑර් ගෝටාබය රාජපක්ෂ සෑර්ට ඡන්දය දුන් අය පිළිබඳව කරන විග්‍රහයයි.
දන්නා සිංහලෙන්ම කියනවනං, හැට්ටර්ට වැටහෙන අන්දමට එය එතරම්ම දරුණු සාහසික අවඥා සහගත වෛරී ලියවිල්ලක් මිසක් කිසිම ආකාරයක විග්‍රහයක් නොවන නිසාය.

ලංකාවේ ජනගහනයෙන්   6,924,255 ජනතාව අමනයින් සහ කපටියන් බව රසික සෑර් ලියා පළකර සිටී.
එයින් අති බහුතරය අමනයින් බවත් ඒ පිරිස තමන්ගේ අමනකම වටහා ගෙන නොමැති බවත් ඔවුන් ගැන අනුකම්පාවෙන් සඳහන් කරන  රසික සෑර් ඒ අමනයින් සිතාගෙන ඉන්නේ තමන් රට ගැන සිතන දේශප්‍රේමීන් හා කළගුණ දන්නා යහපත් පුද්ගලයින් බවට හඳුන්වාදෙයි.

ඉන් අනතුරුව ගෝටාබය රාජපක්ෂට සෑර්ට ඡන්දය දුන් අය අතරින් සුළුතරයක් වූ කපටියන් අමු ජාතිවාදීන් සහ ලාවට ජාතිවාදීන් හා පුද්ගලික වාසි සොයන අවස්ථාවාදීන් ලෙසට වර්ග කරයි.

දැන් ලොකුම පස්නේ කොහොමද මේ දේ රසික සෑර් ටක්කෙටම කිව්වේ කියන එකයි. එකෙක්වත් අඩු නැතුව අර 6,924,255ම  අමනයින් සහ කපටියන් බව කොහොමද රසික සෑර් දැනගත්තේ.  අන්න ඒ ක්‍රමේ අපිටත් කිව්වනං ඔන්නහේ ඕක විස්වාස කරන්ඩත් තිබ්බ. දැන් ඔය ගෝටාබය සෑරුත් තමන්ටමනේ චන්දෙ දෙන්ඩ ඇත්තේ, නැතුව සජිත් සෑර්ට හරි වෙන කාටහරි නෙවේනේ. ඉතිං ලොජියෙරසික සෑර්ට අනුව අපේ ජනාධිපතිත් එක්කෝ අමනයෙක් නැත්තං කපටියෙක්. අම්මප නව නිංගිරහවක් නේ වෙලා තියෙන්නේ බලාගෙන යනකොට.

එකෝමත් එක කාලෙක හැට්ටර් උසස් පෙලේ ගනං ඉගෙන ගන්න කාලේ අභ්‍යුහනයෙන් හරි ඔප්පු කරලා පෙන්නුවේ නැත්තං සරෝජිනී මිස් ලකුණු දුන්නේ නං නැහැ. බලාගෙන යනකොට ආනන්දේ හිට්ට නං ෂපාන් එකේ පේරාදෙණියේ ඉංජිනියරින් යන්ඩ තිබ්බ විතරක් නෙවේ AIT එකේ ගොඩ දාගන්ඩත් තිබ්බ. දෙවියනේ දෙයක් ඔප්පු කොරන්ඩ තියා උගන්නලවත් නෑනේ  එව්වා වල. බලන්ඩ ඒකෙත් හැටි. කොළඹට කිරි ගමට කැකිරි .

පෝස්ට් එකේ තව දුරටත් කියවාගෙන යද්දී ඔහු නව ජනාධිපතිට 'අලුතෙන් පත්වෙන ජනාධිපතියා පරිස්සම් විය යුත්තේ මේ සුළුතර කපටි පිරිසගෙනි' යනුවෙන් අනතුරු ඇඟවීමකුත් කරයි. අන්න එව්වා හොඳ වැඩ නමුත් සෑර්;

තමන්ගේ විදුහල්පතිතුමා කොච්චර අපතයෙක් උනත් පත්තරේට 'අපේ ප්‍රින්සිපල් කාරයා' ගැන කියන්නේ නැහැ නේ. පොඩිකාලේ හැට්ටර් ඉස්කෝලේ යනකොට ටීචර්ල අපිට කියල දුන්න කොහොමද වෙනත් කෙනෙකුට ආමන්තරණය  කොරන්නේ කියල, may be අපේ ඉස්කෝලේ විතරද දන්නෙනෑ එව්වා ඉගැන්නුවේ. සෑර්ල සුද්දොන්ගේ රටවල්වල හිටියට එව්වවල ළමයි තාත්තට Hey Martin how you doing man කියල කිව්වට මෙහෙ කියන්නේ නැහැ නේ. මම ඉතිං උගන්නන්න ඕනේ නැහැ නේ.

ඔය කතා අල්ලල දාමු.
අපි මෙහෙම බලමු.

රසික සෑර් ලංකාවේ ඉගෙනගෙන ඉංජිනේරු විද්‍යාව උපාධියකුත් ලැබුවා, මිසී පේරාදෙණියේ වෛද්‍ විද්‍යා  උපාධියකුත් ලැබුවා.කලෙකට උඩදී ඕස්ට්‍රේලියාවට ගිහිං එහෙ රස්සාවකුත් කරමින් එම රටට ප්‍රාන්තයට නගරයට බදු එහෙම ගෙවමින් සතුටින් සිටිනවා. හරිනේ. පිට් නේ.

මට  මෙතන තමන්ගේ අමනකම වටහා ගෙන නොමැති අමනයෙක් නං පෙනෙන්නේ නෑ. හැබැයි  යම් පුද්ගලයෙක් හෝ රටක් ආයෝජනයක් කරන්නේ තමාට හෝ  තම රටට ප්‍රතිලාභයක් බලාගෙන මිසක් අල්ලපු ගෙදර පවුලට ප්‍රතිලාභයක් පිණිස නෙවේ නේ. රසික සෑර්ට බලෙන් university යන්ඩ කිව්වේ නෑනේ, එයා ගියේ නැත්තන් වෙන කෙනෙක් යාවිනේ. නෝ ප්‍රස් ඇටෝල්  බේබි .

තමන්ගේ වැඩේ කරගෙන ශේප් එකේ මාරුවෙලාගිය කපටියෙක් නං මෙතන ඉන්නවද පිංවතුනි? කොහොමත්ම නෑ .
කිසිම විදියකින් මේවා පුද්ගලික වාසි සොයන අවස්ථාවාදීන්ගේ වැඩ නෙවේ මං නං හිතන්නේ.

රට ගැන සිතන දේශප්‍රේමියෙක් කියල හිතාගෙන රිමෝට් කොන්ට්රෝල් උපදෙස් දෙන්ඩ නං හපන් කවුරුවත් මෙතන ඉන්නවද . සද්දේ සිරා වැඩ සීරෝ.

අනේ සෑර් , සෑර්ට කරුණාවෙන් කියන්නේ මේ දැන් ඉස්ප්‍රින් කාලෙනේ, වැඩිපුර පිනි බාන්ඩ එලියට පහලියට යන්ඩ එපා සෑර්,

ජයවේවා!


ඕ සොරි සොරි, සෑර් පිනි බාන්ඩ ගියාට කමක් නෑ. කක්කුස්සි ගිහින් හෝදන්ඩ නං එපා, පීනස හැදේවි.


Friday, September 27, 2019

රියදුරු පුහුණුව , at least how to park!

(තැන්කිව් වේවා පොටෝ එකට www.srilankatourdriverwithcar.com)

කතාව මෙහෙමයිනේ සෑර්.

දැන් ඔය රට රටවල නොයෙක් නොයෙක් බාසාවල ලියන කියන ඉට්ටයිල් වෙනස්නේ.
නාමපදේ මුලට ක්‍රියාපදේ මුලට, මැදට, අගට අරහෙම මෙහෙම.
ඊට අමතරව වචන ලියන, සද්ද කොරන විදියෙත් නොයෙක් නොයෙක් වෙනස්කං තියෙනවනේ.
දැන් බලන්ඩ දෙමළ බාෂාවෙන් ප, බ දෙකම ப එතකොට ක, ග, க
අමතක කොරන්ඩ හොඳ නැහැ අපේ සබාපති තුමාගෙ නයන්න  'ன ',  නයනුත් දෙක තුනක්ම තියෙනවනේ.

ඉංගිරිසියෙන් ලියපු husband, house එහෙම ප්‍රංස කාරයො කියවන්නෙ  අස්බන්ඩ්, අවුස් කියල

එක්සත් ජාතීන්ගේ හිටපු මහලේකම් තුමෙක් වුනු පීරු ජාතික Javier (Pérez de Cuéllar)ගේ නම කියන්නේ හවියේ කියලනේ.

අපේ ජයන්ත මහත්තය ඒ කාලේ ලංසි කොම්පැනියක් එක්කල ගනුදෙනු කළා. ඒකෙ යොහාන්  (Johan) අපේ මහත්තයට යයන්ත කියල කතා කොරනවා එතකොට ජයන්ත මහත්තය එයාට කතා කොරන්නේ ජොහාන් කියල. තව ඉතින් Yudy ල Yasmin ලට ආමන්ත්‍රණය කොරන කොටත් ටිකක් පරිස්සං වෙන්ඩ වෙනවා.

එංගලන්තේ සුද්දෝ house හවුස් වෙනකොට hour අවර්, our කියන්නෙත් අවර්. කාටද කියන්නේ ඉතිං

එතකොට අරාබි රටවල ලියන්නේ බෙන් වලින් බෙන්සිල් වලින් බොන්නේ බෙබ්සි, කාර් එක බොන්ටියැක්‌, b, p දෙකම එකයි. Pontiac ඇමරිකන් කාරයන්ට පොනියැක්, ඒ තව කෂ්ටියක්, වචනේ මැද්දට 't' අකුරක් ආවම ඒක ඒ ගොල්ලොන්ට සද්ද වෙන්නේ නැහැ, සොෆ්වෙයා, නෙව්වර්ක් ..

හැබැයි පස්නේ උනේ අපේ කේරළ ප්‍රෙන් ඩ්‍රයිවින් ලයිසන්  ගන්ඩ ගිය වෙලේ තමයි.




ජයවේවා!

මේ ඒක නෙවේ, හබීබි, ඈස බ්‍රදර් අයි ඇම් ආස්කිං යූ, ඩූ යූ නෝ හවු ටු බාර්ක්?


Wednesday, May 29, 2019

මයික්‍රෝ ඉට්ටැයිල් mini කතා


image from pinterest

ඉතිං ඔන්න හවස හදිසියේම වාගෙ පොඩ්ඩක් අනුමතවෙන්ඩම ඉන්විටේෂන් එකක් ආවා.  'හේතුවක්' ඇහුවට කිව්වෙත් නැහැ. කිව්වත් වැඩකුත් නැහැ නේ.
තැනක් කියල හොයාගන්ඩ වෙලාවකුත් තිබ්බේ නැහැ පුංචි බොරැල්ලේ නීලා මල් ශාලාවේ සෙට් උනා.
වැඩේ ඉතිං නැගල ගියා.අධික වේගයෙන් ලකුණු රැස්කරපු ක්‍රීඩකයාගේ කණ සාක්කුවට වැටුණා ඉන්පස්සේ ක්‍රීඩකයා බිමට වැටුණා .
දැන් හොඳටම රෑ වෙලා, මේකාව මල් ශාලාවේ තියාගන්ඩ ඇහැකි හැබැයි ගෙදර උන් බයවෙලා මේකව හොයන්ඩ ගත්තොත් ඉතිං ඒක කේස් නේ. දන්නවනේ ඉතිං.

වඩාගෙන යන්ඩත් බෑ මොටෝ සයිකලේ තියං යන්ඩත් බෑ.
හරි හරි මල්ලි නෝ ප්‍රස් අපි මෙයාව ගෙදරට දාල එමු.

අයිය ගත්ත 504 වැගන් එක. ඩිකිය ඇරිය ස්ට්‍රෙචර් එකට දැම්ම බුවාව. ගියා ගෙදර.
අයිය පුරුද්දට කෙලිම්ම රිවස් කොරල ඉස්තොප්පුවටම ගත්ත.
වාහනයක් ආපු සද්දෙට ගෙදර ලයිට් දැම්මා. ඉස්සරහ දොර ඇරලා යාළුවගේ නෝනා එලියට ආවා.
නීලා මල් ශාලාව කියල වෑන් එකේ ඩිකියේ ලොකුවට ප්‍රින්ට් කොරල එහෙම තිබ්බේ.
ඔන්න ඉතින් ඩිකිය ඇරලා ස්ට්‍රෙචර් එක තල්ලු කොරල මිත්‍රයව එලියට ගත්තා...

අනේ මගේ රජෝ... මොකද මේ උනේ.
බලනකොට එකපාරටම අපේ පොර රජෙක් වෙලා අපි දන්නේත් නැහැ. (ඒකද දන්නෙත් නෑ අර 'හේතුව')
සහායට අනේ පුතේ ... තාත්තේ.... මොකද මේ උනේ.  සද්දේ ඩෙසිබෙල් එකසිය ගානට.

ඔය අතරවාරේ මෂ්ෂිනා කනට කොරල අහනවා අයියේ අපේ අයියට මොකද උනේ කියල.
කොල්ලේ හොඳට දෙහි ටිකක් ගාපන් ඕක හරියාවි.

අයිය ස්ට්‍රෙචර් එක අකුලලා කාරෙකට දැම්ම. හරි මල්ලි දැන් වැඩේ හරිනේ අපි යං. අයිය 504 එක ඉස්ටාට් කළා. කෂ්ටිය මාරු.

පස්සෙන්දා රජ බිසව කියපු දේවල් අපි නං දන්නේ නැහැ. දන්නා කෙනෙක් ඉන්නවනං කියන්ඩකෝ. කතාව සම්පුරන් වෙන්ඩත් එක්කල.

ජයවේවා!
Myself Hattor

Saturday, May 11, 2019

හැට්ටර්ගේ ඉතිහාස කතා - පාස්කු and whaaaa...t 1942 ?


පාස්කු ඉරිදා බෝම්බයෙන් තුවාල ලැබුවන්ට ඉක්මන් සුවයත් අකාලයේ මියගිය අයවලුන්ට ප්‍රර්ථනා කළාවූ සැනසීමත් ලැබේවා ! හැට්ටර්ගේ හෘදයාංගම පැතුම.

ගුඩ්ම ගුඩ් මෝනිං එකක් වේවා!

සමාවෙන්ඩ ඕනේ, පහුගිය ටිකේ වැඩත් ටිකක් විතර අධික උනා, ඒ මදිවට ඉන්ටනෙට් එකෙත් පොඩි පොඩි කචල් තිබ්බනේ.

අපිලට ඉතිං යාලුවොත් නෑනේ පේස්බුක් මැසේජ් එකක්වත් එවන්ඩ හිටං. වෙලාවට ගොහිං ඇවිල්ල පේස්බුක් තහනං කොළේ. නැත්තං තාම දන්නේ නෑ මක්කයි උනේ කියල. හැබැයි මටනං තේරෙන්නේ නැත්තේ එච්චර වටින කියන ඉන්ෆෝමේෂන් දුන්නු එක ආ ගමං තහනං කොළේ ඇයිද කියල. ඒත් ඉතිං ඉණිමගට පයින් ගහන එක, එක්කො වැඩක් නැහැ, අපේ වැඩක් බලාගමු.

ජේසු ස්වාමිදරුවෝ මළවුන්ගෙන් නැගිටිමනේ පාස්කුවෙන් සමරන්නේ. හරිනේ
තව තව දේවලුත් ලංකාවේ වුනානේ පාස්කු දවසේ, දූවේ පාස්කු උත්සවේට අමතරව. නැද්ද මං කියන්නේ.

පහුගිය සමර් එකේ පොඩි බෝට්ටු කේස් එකකට පෝට් ඔෆ් බොස්ටන් එකට යන්ඩ වැඩ සිද්ද උනා. (ටැට්ටර් වැඩ අස්සේ බෝට්ටු කේසුත් ලාවට වෙනවා.)

ඩබ්ලින් පෝට් එකෙන් නැග්ගා ඇට්ලාන්ටික් එක හරහා කැනඩාවේ හැලෆැක්ස් (Halifax) වලට ආවා . ගොඩට ගොහින් තේ එකක් කාරිය බීල පොඩි වන්දනාවකුත් කොරගෙන හිටං පෝට් ඔෆ් බොස්ටන් එකෙන් බෝට්ටුවෙන් බැස්ස. හරිය. සුමාන තුනක් බොස්ටන් වල වැඩ.

ආතල් ගෘප් එක. හැලෆැක්ස් වලින් ආපු පරණ කොමඩොර් කෙනෙක් හිටිය. ෆන් එකේ උපත. පොර දවසක් මගෙන් අහනවා හැට්ටර් මල්ලි උඹ දන්නවද උඹලගේ රටේ සේවියර් අපේ කොල්ලෙක් කියල. මගේ උත්තරේ සිංහලෙන් කියනවනං, පල ඩෝ යන්ඩ, කැනඩාවේ කොහෙද අපේ සේවියර්ල?  (ඔන්න ඕස්ට්‍රේලියාවේ සිනුවර වගේ තැනක එකෙක් කිව්වනං ඉතින් ඉවසතෑකි.) අපිට ඕනේ තරං සේවියර්ල ඉස්සරත් හිටිය දැනුත් ඉන්නවා කියල. නෑ නෑ මල්ලි විහිළුවට ගන්ඩ එපා මම මේ සිරා කියන්නේ උඹලගෙ සේවියර් අපේ ගමේම කොල්ලෙක් කියල.

එතකොට මම කොමඩොර්ගෙන් ඇහුව එතකොට සෙන් කැතරින් තියෙන්නෙත් හැලෆැක්ස් වලද කියල. එතකොට ඌ මගේ උඩ ඉඳන් පහලටම බලල අහනවා අඩෝ තෝ මෙච්චර වෙලා මට කින්ඩිය නේද දැම්මේ කියල. ඊගාවට මූ අහනවා හැට්ටර් තෝ කොහොමද ඕක දන්නේ. ඔය කේස් එක වෙනකොට උඹ ඉපදිලාවත් නැහැනේ. ඉස්කෝලෙදි ඕක ඉතිහාසෙට උගන්නනවද  කියල. ප්‍රශ්න වැලයි තවත් ටිකයි.

මං කිව්වා මචෝ, මගේ මාම පරණ RCN පොරක් කියල. හෑ යකෝ මාත් RCN නේ. මාම මොන බේස් වලද හිටියේ කියල. නෑ මචෝ උඹ Royal Canadian Navy වෙනකොට අපේ මාම  Royal Ceylon Navy කියල. ආ එහෙම වරෙන්.

ඔය 1942 කතාව මම මේකේ ටයිප් කොරාන්ඩ ඕනේ නැහැනේ.

මෙන්න කතාව මෙතන තියෙනවා හරිය.

මෙන්න  මෙයා තමා එළ කොල්ලා


ඒකියන්නේ, හරියටම කියනවනං සෑර් මීට කලිනුත් අපිට පාස්කු ඉරිදා බෝම්බ ගහල තියෙනවා ඈ.
හැබැයි වෙනස ඒකාලේ බුද්ධි අංශ දෙයක් කිව්වම ලොක්කොන්ට එව්වායේ බරපතලකම තේරුම් ගන්ඩ ඇබිලිටි කියන එකක් තිබිල   තියෙනවා.

ප. ලි.
සුවර්ගයෙන් එන ආරංචි වලට අනුව බ්ලාස්ටර්ලා සැට් එක ආයෙමත් ලංකාවට එන්ඩ ඕනේ කියල පුල් ගේමක් දෙනවා කියල තමා ඇහෙන්නේ.
ඇයිද කියන්නේ ගියා ගියාමයි තාම කිරි ටිකක් මී පැණි ටිකක් කන්ඩතියා කාඹරෙන් එලියට එන්ඩ වත් වෙලාවක් නැතිලු. හැම තිස්සෙම තව 71ක් පෝලිමේ ඉන්නවලු. ඕගොල්ලෝ නං කියයි.

 එහෙනං මේකත් බලමුද හිටං. 

ජයවේවා!
Myself Hattor

Saturday, March 30, 2019

බෛලා - Como la flor , mi flor


මගේ පුෂ්පය! mi flor!

මල් ගැන කියනකොට ඉතා දුර්ලභ මල පැනපු අවස්ථාවක දර්ශනයක් දැක්කා මේ ලඟදි.



විෂ්ණු ශර්මා පඬිතුමාගේ පරපුරෙන් පැවත එන නිදි තුමා සෑර් තමා මේ පින්තුරේ අයිතිකාරයා. අර කණ්ඩා සෑර්ගේ ඒ ගියාම කල්‍යාණමිත්‍ර කොමාන්ඩර් සෑර්ගේ ගුලි වලට අහුවෙලා ප්‍රයිවෙට් එකේ පාටි දාන.. ඔව්ව කියන්ඩ ගියොත් රට ඉන්ඩ රවිතුමා සෑර් වාගේ වැරදි මාර්ගයේ යන්ඩ වෙනවා.

බෛලා කිව්වම කොයි ලෝකේ උනත් ඉතින් බෛලා බෛලාම තමයි.
මුලින්ම  මේක අහල ඉඳිමු 

මේකෙ ස්පාඤඤ භාෂාවෙන් කියන්නේ

Como la flor (como la flor)
Con tanto amor (con tanto amor)
Me diste tú
Se marchitó
Me marcho hoy (hoy)
Yo sé perder
Pero, ay ay ay cómo me duele
Ay ay ay cómo me duele

දන්නා ඉංගිරිසියෙන් නං 

Like the flower (like the flower)
With so much love (with so much love)
That you gave to me
It withered
I´m leaving today
I know to lose
But, oh how it hurts me
Oh, how it hurts me


අවුරුදු විසි හතරකට පෙර අද වැනි මාර්තු 31 දිනක විසි තුනක් වූ ඇයගේ ජීවිතය නිමා කෙරුණා.

R.I.P mi flor!
Thank you for the beautiful music.

සබ් වූෆර් එක ඔන් නේ, ඊ කිව් එක ගානට ඇජස් කළානේ වොලියුම් එක ... බ්‍රිලියන්ට් ...
එහෙනං  මේකත් බලමු නේ.

ජයවේවා!