Whiteout
සිසිරලගෙ කාලෙ එහෙමත් නැත්නං winter සමයෙ වටපිටාව හිමෙන් වැහිලා ආකාසෙත් වලාකුළුවලින් පිරිලා ඉර එළියක් නැතුව තියෙන කලට වෙන දෙයක් මේක. තද මීදුම, අධික හිම පතනය වගේ දේ වලිනුත් මේක වෙනවා. මෙතනදි ක්ෂිතිජයක් හොයාගන්ඩ බෑ ඒ කියන්නේ කිසිම රෙෆරන්ස් එකක් ගන්ඩ බෑ.
සුදූ..., හැමතැනම සුදු.
ත්‍රිපිටකයේ ධනිය සුත්‍රයේ ධනිය ගෝපාල තෙමේ මෙසේ පවසා තිබේ. ඒ කෙසේද යත්;
"මම සිදු කළ බත්කිස ඇතියෙම්, දෝනා ලද කිරි ඇතියෙම්, ‘මහී’ ගංතෙර සමීපයෙහි අනුකූලපරිජනයා සමඟ වාස ඇතියෙම් වෙමි. වාසගෘහය (තෘණපර්ණච්ඡදනයෙන්) සෙවෙණි කරණ ලදී. ගිනි දල්වන ලදී. මේඝය, ඉදින් රිසියෙහි නම් වැසි වස්ව."
ඒ වගේ උණුසුම් කළ ගෙදර ඉඳං තේ එකක් කෝපි එකක් බොන ගමං පොතක් හෝ Netflix පිචෑර් බලන්ඩ වාසනාව නැති අපි වගේ රස්සාවට එහෙ මෙහෙ දුවන උන්ට නං ඉතිං බඩුම තමා, හෙඩ් ලෛට් ෆොග් ලෛට් මක්ක ගැහුවත් පාරක් තොටක් නං හොයාගන්ඩ නම් බෑ මහත්වරුනි.
ඒ එක්කම නෝනාවරුනි මහත්වරුනි විදුලිය ගැන කතා කොරන විට නම් බ්ලැකෞට් හා බ්‍රෞනෞට් කියා දෙකකුත් අසන්නට ලැබේ. ඉස්සර කාලෙ ඒ කියන්නේ අවුරුදු 76ක කාලෙ වඳුරෝ කූඤ්ඤ ඇදල උන්ගේ වලිග හිර කරගත්තට දැන් ඉන්න නවීන වඳුරෝ නොදන්නා ලැයිට් වෑර් වල වැඩකටයුතු කොරන්ඩ ගොහිං රටම අඳුරෙ තිබ්බනේ හිටං. අන්න ඒ වැඩේ බ්ලැකෞට්.
බ්‍රෞනෞට් එකකදි නං ලැයිට් යන්ඩම යන්නේ නෑ අර ගැස්සි ගැස්සි තියෙනවා, ඩිම් වෙනව වගේ ඩාම් වෙන ඩූම් වෙන වැඩ තමා වෙන්නෙ. බ්ලැකෞට් එකක් එන්ඩ කලියෙන් බ්‍රෞනෞට් එකක් එන්ඩත් ලොකු චෑන්ස් එකක් තියෙනවා. ඔය ස'ජ් ප්‍රොටෙක්ටර් වගේ දෙයකින් ගෙදර තියන විදුලි උපකරණ වලට බ්‍රෞනෞට් එකකින් වෙන අතුරු අබාධ ටිකක් විතර අඩු කරගන්ඩත් ඇහැක්.
මම හිතන්නෙ කලිං "පාඩමක" කිව්ව මේ ලොකු ලෛන් ට්‍රිප් වෙන විදියක්. (ලොකු ලෛන් දාපු සහ දාන මොන ලොක්කත් දවසක අනිවා ට්‍රිප් වෙනවම තමා... බි.පෙ.සි.)
P= 
* ω
මතක අය අත උස්සන්ඩ
ඔතන සමීකරණේ වම් පැත්ත තමා ජෙනරේටරෙන් ජනනය කරන බලය
දකුණු පැත්තෙ මුල් ග්‍රීක් අකුරෙන් කියන්නෙ අපි, පාරිභෝගිකයා පරිභෝජනය කරන බලයට සමානුපාතික දෙයක්.
දෙවැනි ග්‍රීක් අකුර, අර "ය" යන්න වගේ එක තමා පද්ධතියේ ගැස්සීම. ලංකාව, එංගලංතේ, ඔලංතේ (අර සිනුවර තියෙන්නේ එහෙ) වගේ ධනවාදී රටවල ඕක තප්පරේට 50ස් වරක් ගැස්සෙන්නත් (50 Hz) ලෙසටත් ඇමරිකා ජපාන වගේ රටවල තප්පරේට 60 වරක් ගැස්සෙන්නත් (60 Hz) ලෙසටත් තමා ස්ටෑන්ඩඩ් එක තියෙන්නේ. ඔය Hz යුනිට් එක, හ'ට්ස්, ජ'මන් ජාතික Heinrich Rudolf Hertz තුමා සිහිවෙන්ඩ දාපු දෙයක්.
ඔය 50 පනහෙම තියාගන්ඩ තමා ට්‍රෛ එක. ඒත් කොමහරි 49.5 ත් 50.5 අතර තියාගන්ඩම ඕනෙ. දැන් ආයිමත් අර සමීකරණෙට යමු.
P= * ω
දැන් අපි අධි පරිභෝජනේ කළොත් අර එක වැඩි වෙනවා. ඒත් P එහෙම්මම නිසා ω අඩු වෙනවා.
ඔන්න ඕක බලන්ඩ තමා ලං(කා) වි(නෝද) ම(න්ඩලේ) සිස්ටම් කොන්ට්‍රෝල් අංශෙ තියෙන්නේ.
ඉස්සර දෙමටගොඩ කෙන්ට් පාරේ තිබ්බ එක දැන් වැදගත් පලාතක් උන පැලවත්තෙ, චෑං නෝනමහත්තය එහෙම නිතර යන එන පළාත, තමා ස්ථානගත කරලා තියෙන්නේ.
ආන්න එතන ලොක්කොන්ට ඔය සමීකරණෙ බැලන්ස් වෙන්ඩ වම් පැත්තට තව පවර් ස්ටේෂන් එක්ක එකතු කරන්ඩ පුළුවන් අර නොම්මරේ 50 වෙන්ඩ. බොහෝවේලාවට ඔය කේස් එන්ඩ ඇහැක් නිසා ජල විදුලි බලාගාරයක් හැමතිස්සෙම අඩු පරිමාවකින් දුවවනව. පරිභෝජනේ වැඩි වෙනකොට අර ජල බලගාරෙ පොඩ්ඩක් ලෝඩ් කරලා, තව වැඩිපුර වතුර ටිකක් ඇරල හිටං, වැඩිපුර බලයක් උපද්දවනවා. ඔන්න ඕක තමා මූලිකම මුලික ලෝඩ් බැලංෂින් සීන් එක. නියම ක්‍රමේ නං බොහොම සංකීර්ණයි.
මේකෙ මේ අහිංසක වඳුරෙක් පිට දැම්මට වඳුරන්ගෙන් පැවත එන අය අතේ අති විශාල වැරැද්දක් තියෙනවා.
සිස්ටම් කොන්ට්‍රෝල් කෂ්ටිය හරියට රස්සාව කළානං පානදුරේ ග්‍රිඩ් සබ් එකට වඳුරා පැනල ෂෝට් කළා කියල ලංකාවම බ්ලැකෞට් වෙන්ඩ විදියක් නෑ . නෝරොච්චෝලෙ ජෙනි තුනම එකපාරටම හිටින්ඩ විදියක් නෑ එතන උන් හරියට තමංගේ වැඩේ කළානං.
නෝරොච්චෝලෙ වගේ බලාගාර එක පාරටම නැවතෙන්නැතුව හෞස් ලෝඩ් එකෙන් දුවන්ඩ ඇහැක් වෙන්ඩ ඕනේ. මෙගාවොට් 900ක යුනිට් එකක හෞස් ලෝඩ් එක (ඇතුළේ වැඩ කටයුතු වලට අවශ්‍ය බලය) මෙගාවොට් 50-100ක් වත් වෙනවා. පොතේ හැටියට ඒකෙං ස්ටේශන් එක නවතින්නේ නැතුව ඇදගෙන යන්ඩ ඇහැක් වෙන්ඩ ඕනේ
නමුත් පොතේ තිබුණට ඒවා ඒ විදියටම ස්ථාපනය කරලද කියන්ඩ මම දන්නේ නෑ.
මතකද JejuAir බෝඉං 737-800 එකක් බානකොට හැපිලා ජීවිත179ක් විනාශ වෙලා දෙන්නෙක් විතරක් ජීවිත බේරාගන්නවා.
ලෑන්ඩින් ඇප්‍රොච් එකේදී කුරුල්ලෝ හැපිලා එක එන්ජිමකුත් ඊළඟට අනික් එන්ජිමත් ක්‍රියා විරහිත වෙනවා.
කළු පෙට්ටි සොයගත්තත් ඒවායේ අන්තිම විනාඩි 4 ගැන කිසිම සටහනක් නෑ.
අන්තිමට සොයනකොට දැනගන්ඩ ලැබිලා තියෙනවා කළු පෙට්ටි වලට බලය සපයල තිබෙන්නෙ එක එන්ජිමකට සම්බන්ධ ජෙනරේටරේකින් පමණක් කියා. කුරුල්ලා වැදුනා එන්ජිම ෂට් ඩවුන් උනා ජෙනරෙටරේ නැවතුනා කළු පෙට්ටියට විදුලිය විසංධි උනා.
නමුත් දශක කීපයකට කලිං කළු පෙට්ටියට බැටරි සම්බන්ධතාවයක් දිය යුතුයි කියා නීතියකුත් පනවා තිබෙනවා.
නොරෝච්චෝලේත් ඔය වාගේ සීන් එකක් වෙන්ඩත් බැරි නෑ.
මොනවා උනත් කමක් නෑ නියමාකාරයෙන් වෙච්ච දේ හෙව්වොත් ඉදිරියටවත් ඔව්ව වෙන එක නවත්තගන්ඩ ඇහැක් වෙයි.
හැබැයි වඳුරෝ පැන්නා, මෛනල කුඩූ හැදුවා, සීයා කජු කකා හිටිය මිසක් මක්කාවත් කරලා නෑ වගේ ලොවෙත් නැති දේ කියා කියා, අනුන්ට බෝලෙ පාස් කරලා පොඩි උන් වගේ Not me Not me කියා කියා හිටියොත් නං ඉතිං බඩුම තමා.
විද්‍යාවේ මෙහෙම දෙයක් තියෙනවා.
අශ්ව බල 1 = වොට් 745.7
1hp =745.7 W
ඉරිදා ලැයිට් යනකොට ලෝඩ් එක මෙගාවොට් 1600ක් විතර තිබුනලු.
1600MW = 1600000000 W
එක වඳුරෙකුට මේක නවත්තන්න ඇහැක් නං වඳුරාට අඩුම ගානේ මෙගාවොට් 1600ක් බලයක් තිබිය යුතුයි නේද මිත්‍රෝරුනි.
එසේනම් එය අශ්ව බල වලින් කියන්නේ නම් 1600000000/745.7
වඳුරු බල 1 = අශ්ව බල 2145634.97
එනම් වඳුරු බල 1 = අශ්ව බල මිලියන 2ක්!!
ලේසි නෑ !!
කෙසේ හෝ ඔබ වඳුරන්ගෙන් ප්‍රවේශම් වෙන්න!
තැන්කිව් ඇන්ඩ් යූ ගයිස් ටේක් කෙයා
බායි ෆෝ නව්
