රවි සඳ

රවි සඳ බැස ගිහිං 

අමාවක දා රාත්‍රිය උදාවෙලා 

රවි හිරු (Sun) වෙනකොට සඳ (moon) වගේම noble person ලෙසටත් වරනගන්න ඇහැක් 

හැට්ටර්ට රවියව මුලිච්චි වෙලා නෑ.

බලාගෙන යනකොට බොහොම වෙලාවට අපි දෙන්න අංශක 180කින් වාගෙ දුරස් වෙලා හිටියෙ.

හැට්ටර් රජ්ජුරුවොංගෙ රට ඉඳි කොම්පැණියේ රස්සාව කොරන කාලෙ මයෙ හිතේ රවිය ලංකාවෙ 

රවිය සෙන්ටිග්‍රේඩ් අංශක 40-50 සැප විඳින කාලෙ හැට්ටර් අංශක රිණ (සෘණ) ගණන් යන පැත්තක ජිවිතේ 

ඒ මොනවා උනත් රවියව ගැන දැනගත්තෙ බ්ලොග් ෂීන් එකෙන්. හොඳට enjoy කළ බ්ලොගක්.

පඳුරු තැලිල්ලත් එක්කම අපි නොදත් බොහෝ දේත් ඉගෙනගත්ත, දැන කියාගත්ත. සිංහල භාෂාව බොහොම අගේට හැසිරවූ කෙනෙක්. රවී ඉංග්‍රීසියෙන් ලිව්වනං ඒ වගේම එලට ලියන්ඩ හැකියාවක් තිබුණු බවත් හැඟුණා මෑන් ගේ කියුම් කෙරුම් වලින්. 

රන්දිල් නෝන කියල තිබුණ විදියට රවිය අන් අයට කළ උදව් උපකාර ගැන අවිශ්වාසයක් නෑ. බොක්කෙ දඩමස් නැති උං එහෙම තමා.

ආ...න්න එකට තමා 'අවයවය' කියන්නෙ 

මට හිතෙන හැටියට රවිය ගන්ඩ තියෙන ආතල් ගත්ත 

බොහෝවිට ඉස්සරහට කරන්ඩ කියලත් ලොකු දෙයක් තියෙන්ඩත් නැතුව ඇති.

ඇරියස් අඩු නිසා යන තැනකට බැගේජ් එකක් නැතුවම යන්ඩත් ඇති.

කෙසේ වෙතත් ඉන්න තැනක  පරිස්සමින් ඉඳපන් (නොදුටු) මිත්‍රයා.

අර රවියත් එක්ක ගිහිං කැලේ කෝටස් එකේ කාලයක් හිටිය මාතලේ මිසීට නං අපිට වඩා බොහොම දුකක් ඇති.

ඒත් මිසී රවීගෙ දුටු නොදුටු මිත්‍රයො, ෆෑන්ල, රීඩ'ස්ල,  ෆලෝව'ස් ල ඔක්කොම ඔබත් සමග දුක බෙදා ගන්ඩත් , ඉදිරියටත් ඉන්නවා කියල හිතේ තියා ගන්ඩ.

සබ්බං පහාය ගමනීයං