Ai Em Ef

 කපන්නැතුව පාං ගෙඩි දෙකක් දෙන්න මල්ලි 

පහුගිය දොහේ බො ..හෝ..ඕ ..ම.  කාලෙකට පස්සේ නෙට් එකේ රවුමක් ගහන වෙලේ දැක්ක පේරාදෙණියේ IMF විරෝධී සාකච්චාවක් රජයේ ඉහල  අණකින් නවත්තලා කියල හිටං. හොඳ වැඩේ ඕකුන්ට, ඔව්ව නවත්තන්නමයි ඕනෙ.

මේ තෙල් නැවකට සල්ලි දිගන්න බැරුව චාටර් වෙච්ච රටක් IMF එකත් එක්ක එකතු වෙලා මාස තුනෙන් - සොරි - පෝය තුනෙන් ඩොලර් බිලියන හය හමාරක ඉතුරුම් ශේෂයක් තියෙන විදියට හැදුව කියල අපේ සුනිල් ඇමැතිතුමයි සමන්ත ඇමති තුමයි මේ පහුගිය සතියේ නේ කිව්වේ. එහෙව් එකේ මේ හාදයොන්ට තියන්න තිබ්බේ "ඉක්මනිම්ම රටක් ගොඩදාන IMF වික්‍රමය" වගේ සාකච්චාවක් නේ.

එනිවේ ඉන් පස්සෙ ඉකොනොමැට්ට තුමාගෙ අලුත් පෝස්ටුවක වෛද්‍යාචාර්ය නලින්ද ඇමතිතුමාගේ කතාවක් ගැන තිබිල ඒ ගැනත් පොඩ්ඩක් හොයල බැලුව මක්කැයි මේ කියල.

ඒ කතාවෙන් මට නම් හැඟීගියේ මේ හලෝ අපිට මාස්ටර් ප්ලෑන් එකක් තියේය, අපි වැඩ කරන්නේ අන්න ඒකටය.ඔය කොල්ලටයි බල්ලටයි ඕන ඕන තැන ඕන ඕන දේවල් අටවන්න කරන්න දෙන්නට බැරිය. අනික අපිට කතරගම දෙයියෝ නෙවේ තිස්තුන් කෝටියක් දෙයියන්ටත් වැඩිය සල්ලි තියේය ඔහෙලා තමුංගෙ වැඩක් බලගන්නවනං යෙහෙකිය, වගේ දෙයක්. නමුත් ඒ අතරම අද මෙරට ආර්ථිකය අමාරු තැනක පවතින බව විදේශ කටයුතු විදේශ රැකියා සහ සංචාරක අමාත්‍ය විජිත හේරත් මහතා සඳහන් කරයි කියලත් නිවුස් තියෙනවා.

පළමුවෙනි එකටනම් කියන්න තියෙන්නෙ ඔය ප්ලෑන් සහ සිස්ටම් අපි නම් දන්න කාලෙ සිටම පැවති බවත් එදත් එක එකාට හිතූ හිතූ විදියට බිල්ඩින් ගහන්නවත් ලොකු ලොකු යන්ත්‍ර සුත්‍ර මිලදී ගන්නවත් බැරි බවය.

දෙවෙනි එක ගැන නම් ඔච්චර සල්ලිත් තියෙන එකේ, සුවසිරිපායෙ ඉඳල BES එක මැද්දෙන් ඩි සේරම් ප්ලේස් එකට ගොහිං වමට හැරිලා නොරිස් කැනල් පාරෙන් දකුණට ගිහිං හිටං , ඕනෙනං විනාඩි 15-20ක් විතර යයි, මහ ඉස්පිරිතාලෙ OPD එකටයි  මෙඩිකල් වෝඩ් එකකටයිත් ගිහිං බැලුවනං මට නං කියන්න තියෙන්නේ - ඇමතිතුමාට ආස හිතෙයි, කියල තමයි.

ඔය අව් අස්සේ තමා ඉකොනොමැට්ට තුමාගෙ මෙන්න මේ පරණ පෝස්ටුව දැක්කෙ.

 

අම්මා. අපි නොදන්න අක්බාර් හෝල්.

එකසිය ගානට ගජේ ගහල ඇති ඕකෙ.

සහෝදරයෝ, මිත්‍රයො, මිත්‍රයොංගෙ මිත්‍රයො යනාදී වශයෙන්.

ඔන්න ඔයිං එක්කෙනෙක් තමා අපේ උපදාස මාමගේ පුතා.

ඒ කාලෙ ඉංජිනේරු ශිෂ්‍යය

පෝය දවසක් එක්ක ලෝං වීක් එන්ඩ් එකක් එනව.

මචං ගමේ සෙට් එකක් බහිනව, උඹ ගෙදර යනවනං මට මීල් ටිකට් ටික දියං.

ඔන්න ඔහොම තමා මීල් ටිකට් එකතු උනේ.

උදේ කෑමට කැන්ටිමෙන් කපන්නැතුව පාං ගෙඩි දෙකත් එක්ක හොදිත් ලැබුණා.

ඔය මීල් ටිකට් හයක බඩු !

(පාං ගෙඩියෙන් 1/3ක් තමා පෝශන් එක)

මොනාද කියන්නේ පැය බාගයක් ගියේ නෑ පිඟාන රිටන් උනා.

ජෝග්ගුවට කිරි තේ 6 කුත් ලැබුණා.

තේ ටික බිබී අපෙ ලොක්ක කාමරේට ගියා.

(දවල්ට නං බිත්තරත් තිබුණා - ශිෂ්‍යයො අඩු දවසනෙ, මුදලාලිට ලාබයි!)

කාලෙකිං ඔය පැත්තෙ නොගිය නිසා දැන් නං කෝමද කියල දන්නෙ නෑ නමුත් කාලෙකට ඉස්සර අපි ගියාම 'අළුත්' ශිෂ්‍යයො එනවා කවුද මේ 'පොන්ටුවා' කියල බලාගන්න. එහෙව් කෑම රෙකෝඩ් එකක් තිබ්බ කොල්ලෙක් තමා අපේ උපදාස මාමගෙ පුතා.

පොන්ටුවා ගැන පස්සෙ තව වෙලාවක් ආවොත් ලියමු.

ඔබ සැමටත් තිස් තුන් කෝටියක් දෙවිවරුන්ගේම රැකවරණයි!

Beste vrienden (Dear friends)

Hier ben ik weer (Here I am again)

Ons moeder zeej nog

 

Have Fun!